الماتىداعى اۋەزوۆ اۋدانىندا ءىز-تۇزسىز جوعالعان ماليكا وراقبايەۆانى ىزدەستىرۋ جۇمىستارى جالعاسۋدا. ءۇش كۇننەن بەرى 14 جاستاعى مەكتەپ وقۋشىسىنان حابار جوق، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ. 

الماتى وبلىستىق ءىىد باسپا ءسوز قىزمەتىنىڭ مالىمەتىنشە، ماليكا وراقبايەۆا الماتىداعى تولە بي-مومىش ۇلى كوشەلەرى قيىلىسىنان تاكسيگە وتىرىپ، جامبىل اۋدانىنداعى قارعالى اۋىلىنا بارماق بولعان.

«وقيعا 15 ءساۋىر كۇنى بولعان. ماليكا وراقبايەۆانىڭ اناسى 16 ءساۋىر كۇنى جامبىل اۋدانىنىڭ پوليسەيىنە كەلىپ، قىزىنىڭ جوعالعاندىعى جونىندە حابارلادى. ءقازىر وقۋشىنى ىزدەستىرۋ جۇمىستارى جالعاسۋدا. قارعالىداعى مەكتەپتىڭ مۇعالىمدەرى دە پوليسەيلەرمەن بىرىگىپ، ءجاسوسپىرىمدى ىزدەستىرىپ جاتىر. قىز بالا الماتىدا جوعالعاندىقتان، ىزدەستىرۋ جۇمىستارى جامبىل اۋدانىندا جانە الماتى قالاسىندا دا جالعاسۋدا»، دەپ ءمالىم ەتتى الماتى وبلىستىق  ءىىد  باسپا ءسوز قىزمەتى.

ايتا كەتۋ كەرەك، 9-سىنىپ وقۋشىسى جامبىل اۋدانىنداعى قارعالى اۋىلىنداعى مەكتەپتە وقىعان. جەتكىنشەك اتا-اجەسىنىڭ تاربيەسىندە بولعان.