چەليابينسك وبلىسىنىڭ الەۋمەتتىك قارىم-قاتىناس مينيسترلىگى جەتىم بالالارعا ارنالعان لازۋرنەن مەكتەپ – ينتەرناتىن جابۋ تۋرالى شەشىم قابىلداندى.  مەكتەپتە تاربيەلەنگەن بالالار پەدوفيلدەردىڭ قۇربانى بولعان. جابۋدىڭ رەسمي سەبەبى، توتەنشە جاعداي. مەكەمەنىڭ سۋمەن جابدىقتاۋدى شەكتەلۋىمەن بايلانىستىرىپ وتىر. بۇل جايىندا ريا نوۆوستي جازادى. 

— اپاتتىڭ جويىلۋى كوپ ۋاقىتتى الادى. بالالار جەتىم بالالارعا جانە اتا-اناسىنىڭ قامقورلىعىنسىز قالعان بالالارعا ارنالعان باسقا مەكەمەلەرگە اۋىستىرىلادى. قىزمەتكەرلەردى جۇمىستان بوساتۋ ەڭبەك زاڭناماسىنا سايكەس بارلىق قاجەتتى راسىمدەرگە سايكەس جۇزەگە اسىرىلادى، دەدى مەكەمە باسشىسى.

ايتا كەتەلىك، 51 جاستاعى سەرگەي ەسىمدى ازامات كامەلەتكە تولماعان جەتى جەتىم بالانى زورلاعان.

مالىمەتتەرگە سايكەس، ول ينتەرناتقا ءجيى كەلىپ جۇرگەن. بالالاردى كولگە اپارىپ، تاتتىلەر بەرگەن. ارتىنشا شامپان مەن تەمەكى بەرىپ، زورلاعان. بالالاردىڭ ايتۋىنشا، زورلاۋشىلار ەكەۋ بولعان جانە ولار بالالاردى جىبەرىپ تۇرۋ ءۇشىن مۇعالىمدەرگە اقشا تولەگەن.