«قازاقينۆەست» مەملەكەتتىك كومپانياسىنىڭ قىزمەتى شەتەلدىكتەرمەن وتكەن كەزدەسۋلەر سانى بويىنشا ەمەس، ناقتى تارتىلعان ينۆەستيسيالاردىڭ نەگىزىندە باعالانۋى ءتيىس – بۇل تۋرالى ازات پەرۋاشيەۆ 2018-2020 جىلدارعا ارنالعان رەسپۋبليكالىق بيۋدجەتكە وزگەرىستەر مەن تولىقتىرۋلار ەنگىزۋ تۋرالى زاڭ جوباسىن تالقىلاۋ بارىسىندا مالىمدەدى.
«اق جول» فراكسياسى مەملەكەتتىك ورگاندار بيۋدجەتتىك باعدارلامالاردىڭ ورىندالۋىن باعالاۋعا اسا جاۋاپتى كوزقاراسپەن قاراۋعا ءتيىس دەپ سانايدى. وعان دايەك رەتىندە ينۆەستيسيالاردى تارتۋعا جۇمسالعان شىعىندار كورسەتىلدى.
دۋبايداعى، لوندون جانە نيۋ-يوركتەگى «قازاقينۆەست» اكسيونەرلىك قوعامىنىڭ ءۇش وكىلى مەن 3 كومەكشى اسسيستەنتىن ۇستاۋعا بيۋدجەتتەن 1 ملرد. 100 ملن. تەڭگە كولەمىندە قارجى ءبولۋ قاراستىرىلعان.
سونىمەن بىرگە، ايتپاقشى، «قازاقينۆەست» اق-نىڭ رەسمي دەرەكتەرىنە سۇيەنسەك، ەڭ كوپ ينۆەستيسيالىق جوبالار قازاقستانعا جاڭاعى اتالعان مەملەكەتتەردەن ەمەس، قىتايدان (61)، رەسەيدەن (26) جانە تۇركيادان (20) كەلەدى ەكەن.
«نەلىكتەن ينۆەستيسيالىق بەلسەندىلىكتى ۇلعايتۋ ءۇشىن جۇڭگو، رەسەي نەمەسە تۇركيا ەلدەرىندەگى وكىلدىكتەر ەمەس، اتاپ ايتقاندا، ءدال سول دۋباي، لوندون جانە نيۋ-يورك قالالارىنداعى وكىلدەر تاڭدالعان؟ – دەگەن ساۋالدى قويدى دەپۋتات. - مۇمكىن، مەملەكەتتىك كومپانيا وكىلدەرىنە وسى لايىقتى قالالاردا ءومىر سۇرۋگە جانە جۇمىس ىستەۋگە قولايلى شىعار، الايدا ءوز جەكە باسىنىڭ سۋبەكتيۆتى قالاۋىنا ەمەس باعىت-باعداردى تاڭداۋدا سەرىكتەستەردىڭ ناقتى ينۆەستيسيالىق بەلسەندىلىكتەرىنە سۇيەنە وتىرىپ ارەكەت ەتۋ كەرەك بولاتىن».
بۇدان باسقا، «اقجولدىقتاردى» تاڭقالدىرعانى – سول شەتەلدەگى وكىلدەردىڭ جۇمىسى قانداي جولمەن، ءقايتىپ باعالاناتىنى. سويتسە، ۇكىمەت ولاردىڭ اتقارىپ جاتقان جۇمىسىن تابىستى دەپ مويىنداۋ ءۇشىن شەنەۋنىكتەر ءبىر جىل ىشىندە ينۆەستورلارمەن العاشقى 10 كەزدەسۋدى، ءوزارا بايلانىستى ءارى قاراي دامىتۋ ماقساتىندا تاعى ءبىر 10 رەت باسقوسۋ، بيزنەستىك ءىس-شارالارعا قاتىسۋ، ەكى الەۋەتتى ينۆەستورلاردىڭ قازاقستانعا ىس-ساپارمەن كەلۋىن وتكىزۋ جانە دە قارقىندى، الەۋەتتى ينۆەستورلارمەن كەم دەگەندە ەكى مەموراندۋمعا قول قويۋ سياقتى جۇمىستاردى جۇزەگە اسىرۋ قاجەت ەكەن.
«جاريالانعان جاھاندىق جوسپاردىڭ اياسىندا بۇل – تىپتەن كوڭىلگە قونبايتىن دۇنيە، سەنىمسىزدىك تۋدىرادى»، - دەدى دەپۋتات. - مەنىڭ ويىمشا، جىلدىڭ 220 جۇمىس كۇنىنىڭ ىشىندە كاسىپكەرلەرمەن بار بولعانى 20 رەت كەزدەسۋ، ونىڭ ۇستىنە مەملەكەتتىڭ ەسەبىنەن، ايتارلىقتاي ۇلكەن كۇش جۇمساۋدى قاجەت ەتپەيدى.
الايدا، نەلىكتەن بۇل وكىلدەردىڭ ءبىزدىڭ ەلىمىزگە ناقتى قانداي كولەمدە ينۆەستيسيالار تارتۋى قاجەت ەكەنى تۋرالى بىردە-بىر ءسوز ايتىلماعان؟»
ازات پەرۋاشيەۆ ەلگە تارتىلعان ينۆەستيسيالاردان تۇسەتىن كىرىستەر، تۇتاستاي العاندا قازاقستان ەكونوميكاسىنا دەگەن پايداسىن ايتپاعاننىڭ وزىندە، ەڭ بولماعاندا، مۇنداي شەتەلدىك وكىلدىكتەردى قولداۋ ءۇشىن بيۋدجەتتەن بولىنگەن شىعىنداردىڭ ورنىن تولتىرۋى ءتيىس ەكەنىن باسا ايتا وتىرىپ، «قازاقينۆەست» ۇلتتىق كومپانياسىنىڭ وكىلدەرىنە وسىنداي تالاپتاردى ەنگىزۋدى ۇسىندى.
