19 ساۋىردە «ءدىن سالاسىنداعى مەملەكەتتىك ساياساتتىڭ 2017-2020 جىلدارعا ارنالعان تۇجىرىمداماسى» جانە «قازاقستان رەسپۋبليكاسىندا ءدىني ەكسترەميزم مەن تەرروريزمگە قارسى ءىس-قيمىل جونىندەگى 2018-2022 جىلدارعا» ارنالعان مەملەكەتتىك باعدارلاماسىن جۇزەگە اسىرۋ اياسىندا ءدىاقم دىك مادەنيەتتەر مەن دىندەردىڭ حالىقارالىق ورتالىعىنىڭ ۇيىمداستىرۋىمەن «ءدىني ەكسترەميزم مەن تەرروريزم كورىنىستەرىنىڭ الدىن الۋ جونىندەگى شارالار مەن مەحانيزمدەر» اتتى رەسپۋبليكالىق سەمينار-ترەنينگ ءوتتى، دەپ حابارلايدى Qamshy.kz اقپارات اگەنتتىگى. 

سەمينار جۇمىسىنا قازاقستان رەسپۋبليكاسى ءدىن ىستەرى جانە ازاماتتىق قوعام ۆيسە-مينيسترى ب.س.ارىن، ق ر ءدىاقم ءدىن ىستەرى كوميتەتىنىڭ ءتوراعاسى ە.ا.وڭعاربايەۆ، باس پروكۋراتۋرا جانىنداعى قۇقىق قورعاۋ ورگاندارى اكادەمياسىنىڭ ارنايى قۇقىقتىق ءتارتىپ كافەدراسىنىڭ مەڭگەرۋشىسى ن.ش.جەمپيىسوۆ، پسيحولوگتار مەن پسيحوتەراپيەۆتەر قاۋىمداستىعىنىڭ مۇشەسى ل.س. شاكيموۆا، «تەرروريزمگە قارسى كوميتەت» رقب ءتورالقا ءتوراعاسى ا.ز. ورازبايەۆ، سونىمەن قاتار انتيتەررورلىق دايىندىق ورتالىعى، رەسپۋبليكالىق ارداگەرلەر مەن پاتريوتتىق ۇيىمدار، مەملەكەتتىك ورگاندار، عىلىمي-ساراپشىلىق قاۋىمداستىق  جانە ۇەۇ وكىلدەرى قاتىستى.

«كوميتەت ءدىندى دەسترۋكتيۆتى ماقساتتا پايدالانۋدىڭ كەز-كەلگەن ارەكەتتەرىن بولدىرماۋ جانە الدىن الۋ ءۇشىن بارلىق شارالاردى قولداناتىن بولادى. وسىعان بايلانىستى ءدىني ەكسترەميزم مەن تەرروريزمنىڭ الدىن الۋ بويىنشا كەشەندى شارالاردى جەتىلدىرۋگە، سونداي-اق بارلىق ءدىني قىزمەت سۋبەكتىلەرىنىڭ ءدىني قىزمەت سالاسىنداعى زاڭنامانى ساقتاۋىن قامتاماسىز ەتۋگەباعىتتالاتىن بولادى»، – دەدى ءدىاقم ءدىن ىستەرى كوميتەتىنىڭ ءتوراعاسى ە.ا.وڭعاربايەۆ.

سەمينار بارىسىندا باس پروكۋراتۋرا جانىنداعى قۇقىق قورعاۋ ورگاندارى اكادەمياسىنىڭ ارنايى قۇقىقتىق ءتارتىپ كافەدراسىنىڭ مەڭگەرۋشىسى ن.ش.جەمپيىسوۆ تەرروريزمگە قارسى ارەكەت ەتۋدىڭ جاڭا مەحانيزمدەرى تۋرالى مالىمدەمە جاسادى.

سەمينار-ترەنينگ قاتىسۋشىلارى، اسىرەسە، جاستار ورتاسىندا ءدىني ەكسترەميزم مەن تەرروريزم كورىنىستەرىنىڭ الدىن الۋدا ۇكىمەتتىك ەمەس ۇيىمداردىڭ ءرولىن ارتتىرۋ كەرەكتىگىن العا تارتتى.

پسيحولوگتار مەن پسيحوتەراپيەۆتەر قاۋىمداستىعىنىڭ مۇشەسى ل.س. شاكيموۆا سەمينار قاتىسۋشىلارىنا راديكالدى كوزقاراستاعى ادامدار ساناسىنا ۇتىمدى اسەر ەتۋ پروسەسىندە كوممۋنيكاتيۆتىك تەحنولوگيالاردى قولدانۋعا باعىتتالعان ساعاتتىق ترەنينگ وتكىزدى.

تەرروريزمگە قارسى كۇرەس ورتالىعىنىڭ اعا وقىتۋشىسى، ق ر ءدىاقم رەسپۋبليكالىق ءاقپاراتتىق-تۇسىندىرۋ توبىنىڭ ساراپشى-ساياساتتانۋشى ر. يرجانوۆا: «حالىقپەن اقپاراتتىق جۇمىس اۋەسقوي تاجىريبە سالاسى ەمەس، ول – ناعىز كاسىبي قىزمەت. ءداستۇرلى ەمەس ءدىني اعىم وكىلدەرى مەن  ميسسيونەرلەر سىندى اقپاراتتىق اگرەسسورلار سىن-تەگەۋىرىندەرىنە تەك كاسىبي ماماندار عانا جاۋاپ قاتۋى ءتيىس»، – دەپ مالىمدەدى.

سەمينار-ترەنينگ قورتىندىسى بويىنشا قاتىسۋشىلار ارنايى سەرتيفيكاتتارمەن ماراپاتتالدى.