قازگيدرومەتتىڭ حابارلاۋىنشا، قازاقستانعا جىلجىپ كەلە جاتقان انتيسيكلونعا بايلانىستى رەسپۋبليكانىڭ باسىم ايماقتارىندا جاۋىن-شاشىننىڭ توقتالۋى مەن اۋا تەمپەراتۋراسىنىڭ كوتەرىلۋى مۇمكىن. 21 ساۋىرگە قاراي، وڭتۇستىكتە جانە وڭتۇستىك-شىعىستا كۇندىزگى تەمپەراتۋرا 18-23 گرادۋسقا دەيىن، شەتكى وڭتۇستىكتە 25-28 دەيىن، شىعىستا جانە ورتالىقتا 13-21 دەيىن كوتەرىلىپ، سولتۇستىكتە 10-18 دەيىن جىلىنادى.
تەك رەسپۋبليكانىڭ باتىس وبلىستارىندا كەزەكتى سۋىق فرونتتىڭ وتۋىنە بايلانىستى جاڭبىر جانە سۋلى قار تۇرىندەگى جاۋىن-شاشىن، تەمپەراتۋرانىڭ تومەندەۋى كۇتىلۋدە. تومەندەۋىنە قاراماستان، الداعى ءۇش كۇندە باتىس ايماقتاردا تەمپەراتۋرا ورتا كوپجىلدىق مانگە جۋىق بولادى.
پىكىر قالدىرۋ