الماتىنىڭ جاسىل قالا ەكەندىگى بۇرىننان بەلگىلى. شاھاردىڭ سول اتاعىن ساقتاۋ ءۇشىن قالالىق اكىمدىك كوپتەگەن جۇمىستاردى قولعا الىپ جاتىر. مىسالى، بيىلدان باستاپ شاھاردىڭ قوعامدىق كوپشىلىك ورىندارىندا العاش رەت حوش ءيىستى ءىرى گۇلدەرى بار، جاپىراعى ۇنەمى كوكپەڭبەك بولىپ تۇراتىن ماگنوليي وسىمدىگى وتىرعىزىلا باستادى. ولار الدىمەن قالاداعى قابانباي باتىر جانە گوگول كوشەلەرىنە وتىرعىزىلدى.
اتاپ وتەتىنى، بۇرىن ماگنوليي وسىمدىگى نەگىزىنەن جەكە ۇيلەر اۋماعىندا عانا وتىرعىزىلعان ەكەن. ەندى بۇل اعاش قالاداعى كوپشىلىك ورىندارعا دا وتىرعىزىلاتىن بولىپتى. الداعى ۋاقىتتا شاھارداعى كوپ كوشەدە ماگنوءلييدىڭ حوش ءيىسى مۇرىن جارىپ، ونىڭ ۇنەمى كوكپەڭبەك بولىپ تۇراتىن جاپىراعى اينالانى سانگە بولەپ تۇرادى.
ەندىگى جەردە ماگنوليي وسىمدىگى جاياۋ جۇرگىنشىلەرگە باسىمدىق بەرەتىن، قايتا جوندەۋدەن وتكەن كوشەلەردە وتىرعىزىلادى. ءسويتىپ، جاقىن جىلداردا ولاردا ماگنوليي وسىمدىگىمەن بىرگە ساندىك الما اعاشتارى دا، اكاسيا، سپيرەي بۇتالارى، زەرەك جانە ارشا اعاشتارى سول ايماقتاردى حوش يىستەرگە بولەيتىن بولادى.
كەرەك كەڭەس
ماگنوليا (magnolءىa) ماگنوليالىق تۇقىمداستارعا جاتاتىن بۇتالار مەن ساندىك اعاش ءتۇرى.
جۇپار گۇلدەرى مەن ادەمى جاپىراقتارى ءۇشىن جوعارى باعالانادى.
تابيعاتتا 210 ءتۇرى كەزدەسەدى، كەي دەرەكتەرگە قاراعاندا بۇل تۇقىمداستار
14 تۋىس، 240 ءتۇردى بىرىكتىرەدى.
قۇرامىندا ەرەكشە ەفير مايى بار.
ماگنوليا گۇلدەرىنەن جاسالعان تۇنبا حالىقتىق مەديسينادا كەڭىنەن قولدانىلادى.قان قىسىمى مەن دەمىكپە سىرقاتتارىنا ەم.