قالا اكىمى باۋىرجان بايبەك­­ءتىڭ ءتوراعالىق ەتۋىمەن قالانىڭ بارلىق مەردىگەرلىك ۇيىمدارى قاتىسقان مەگا­ءپوليستىڭ كوشە-جول جەلىلەرىن جوندەۋ ماسەلەسىنە قاتىستى كەڭەيتىلگەن  جيىن ءوتتى.

بيىل شاھاردا 157 كوشەنى جوندەۋ، سونىمەن قاتار ماقاتايەۆ، بايتۇرسىنوۆ جانە جاروكوۆ كوشە­لەرىندەگى ۇزىندىعى 15،7 شاقى­رىم بولاتىن ترامۆاي جول­دا­رىن جوندەۋدەن وتكىزۋ جوسپار­لانعان.

جيىن بارىسىندا جولاۋ­شىلار كولىگى جانە  اۆتوموبيل جولدارى باسقارماسىنىڭ باسشى­سى ماقسۇت يساحوۆتىڭ ايتۋىنشا،  قالا بويىنشا جۇرگىزىلەتىن بارلىق جوندەۋ جۇمىستارى ءۇستى­مىزدەگى جىلدىڭ قاراشا ايىندا اياق­تالادى. سونىمەن قاتار، 24 كوشەدەگى جول جيەكتەرى تولىق جا­ڭارتىلىپ،  كوشەلەردىڭ 43 پايى­زىندا جول جيەكتەرى قايتا جاسا­لاتىنىن مالىمدەدى. ءوز كەزە­گىندە شاھار باسشىسى اتال­عان باسقار­مانىڭ جوسپارىن قا­تال سىنعا الىپ، جۇمىستىڭ ناقتى­لى كەستە­ءسىن جاساي وتىرىپ، جوبالاۋ  ءادىس­تەرىن قايتا قاراۋدى تاپسىردى.

–       ءبىز الماتىنى «ادامدار ءۇشىن جايلى قالا» قاعيداسى بويىنشا دامىتۋدامىز. سوندىق­تان جۇمىستاردى  جۇرگىزگەن كەزدە كەدەرگىلەردى بارىنشا  ازايتىپ،  ۋاقىتتى  قىسقارتقان ءجون. وتكەن جىلى جولداردى جوندەۋ، جىلۋ تراسسالارىن  جاڭارتۋ، ورتالىقتى جاڭعىرتۋ  جونىندە  اۋقىمدى جۇ­مىستار جۇزەگە استى. ءبىراق جۇمىس بارىسىندا  ءبىرقاتار كەمشىلىكتەر انىقتالدى. اسىرەسە، تايم-مەنەدجمەنت بويىنشا. بيىلعى جىلعا جاسالعان جوسپاردا  كەيبىر مەردىگەرلەردىڭ جوندەيتىن جولدارى نەبارى  5  شاقىرىم ەكەن. ونى قاراشا ايىنا دەيىن سوزۋدىڭ نە قاجەتى بار؟ قىستىڭ الدىندا  تەگىس اسفالتتى جول كىمگە  كەرەك؟! –  دەپ رەنىش ءبىلدىردى باۋىرجان بايبەك.

وسىلايشا قالا اكىمى مەردى­گەر­لەردىڭ  بىرنەشە كۇن تاس جولدى قوپارىپ، جول جيەكتەرىن بۇزىپ، قايتا تاس جول توسەيتىن، اقىر-اياعى ۇزاققا سوزىلاتىن ەسكى ادىستەردەن  تولىق ارىلۋ كەرەكتىگىن قاداپ ايتتى.

– جۇمىسقا كىرىسپەس بۇرىن جوندەلەتىن ءار كوشە بويىنشا  اقاۋى كورسەتىلگەن اكتىلى فوتوال­بومدى ۇسىنىڭىزدار. جۇمىسقا بارىنشا كەشەندى تۇردە قاراپ، ءاربىر اسپەكتىنى ويلانىپ بارىپ جاساۋ كەرەك. مەردىگەر كەيبىر جەرلەردە ارىق ناۋالارىن اۋىس­تىرۋ، قورشاۋلاردى، قاراۋسىز قالعان باعانالاردى، بەتون كون­سترۋكسيالارىن، كەرەكسىز جەلىلەر­ءدى، ءبىر سوزبەن ايتقاندا، كوزگە ءبىر­دەن تۇسەتىن قوقىستى الىپ تاستاۋ قاجەت ەكەنىن ءبىلۋى ءتيىس. سوندا عانا ءىس بىرنەشە رەت قايتالاپ اتقارىلمايتىن بولادى. ونىڭ ۇستىنە بۇرىننان بار، ءجونى ءتۇزۋ  جاسىل جەلەكتى بارىنشا ساقتاعان ءجون، – دەدى  قالا اكىمى باۋىرجان بايبەك.

سونىمەن قاتار، قالادا ءباز-باياعى قالپىندا دۇرىس ورنالاس­پاعان تۇراق قالتالارى جەتكىلىكتى. ءتىپتى،  كەيبىر ۋچاسكەلەردە كولىك يەلە­ءرى  كولىكتەرىن بۇرىشتاپ قويىپ، قوزعالىس جەلىسىنىڭ وتكىز­گىش قابىلەتىن تومەندەتىپ، اپاتتى جاعدايعا ۇرىندىرادى. مەگاپو­ليس باسشىسى جول جوندەگەندە وسى فاكتوردى ەسكەرۋدى، تۇراق قالتا­لارىنىڭ بەرگى بەتتەرىن عانا اباتتاندىرۋدى تاپسىردى.

قالا اكىمى جول جوندەۋ بارى­سىندا كوشەلەردىڭ  جابىلاتىن بولىكتەرى تۋرالى تۇرعىندارعا دەر كەزىندە حابارلاۋ كەرەكتىگىن دە ايتتى.

– قانداي جۇمىستاردىڭ جۇرەتىنى جانە قاشان اياقتالا­تىنى تۋرالى تۇسىنىك بەرىلۋ قاجەت. كومپانيا باسشىلارىنىڭ بايلا­نىس نومىرلەرىنە دەيىن جازىلعان تولىق اقپاراتى بار ستەندىلەر ورناتىلۋى ءتيىس. اقپاراتتىق  رەسۋرستاردا جۇمىس كەستەسىنىڭ بولعانى ءجون، – دەدى اكىم.

جيىن سوڭىندا شاھار باس­شىسى جولاۋشىلار كولىگى جانە اۆتوموبيل جولدارى باسقارما­سىنا ءبىر اپتا  ىشىندە جوسپار جاساۋدى، وندا ءاربىر مەردىگەر  ۇيىمداردىڭ قانداي جۇمىستى قاشان جانە قالاي جۇرگىزەتىنى، ناقتىلى مەرزىمى كورسەتىلۋى ءتيىس دەگەن تاپسىرما بەردى. وڭتايلان­دىرىلعان جۇمىس كەستەسى كەلەسى كەڭەستە  ۇسىنىلۋى قاجەت. وسىن­داي تاپسىرما قالانىڭ  ەنەرگە­تيكا جانە كوممۋنالدى شارۋا­شى­لىق باسقارماسىنا دا مىندەت­تەلدى.

الماتى اقشامى