الماتىدا «قازترانسگاز ايماق» اق  الماتى وندىرىستىك فيليالىنىڭ تاپسى­رىسىمەن التىنسارين كوشەسى بويىمەن وتەتىن «ورتا قىسىمداعى جەراستى گاز قۇبىرىن جاڭارتۋ» جوباسىن قولعا  الدى. جاندوسوۆ كوشەسىنەن باستالاتىن گاز قۇبىرىنىڭ جالپى ۇزىندىعى – 2،8 شاقىرىم. جاڭا  گاز قۇبىرى الماتىلىقتاردى  گازبەن تۇراقتى  ءارى ۇزدىكسىز قامتاماسىز ەتپەك. جوبا بويىنشا قايتا جاساۋ جۇمىستارى التىن­سارين كوشەسى بويىمەن جاندوسوۆ كوشەسىنەن  جۇبانوۆ  كوشەسىنە دەيىن سولعا قاراي جولدىڭ باتىس جاعىن قامتيدى. اتقارىلا­تىن جۇمىس ەنى  – 5 مەتر.

جاڭارتۋ جۇمىستارىن بيىلعى جىلدىڭ 16 شىلدەسىندە اياقتاۋ جوسپارلانعان.

ايتا كەتۋ كەرەك، التىنسارين كوشەسى­ءنىڭ كەيبىر ۋچاسكەلەرىندە جوندەۋ جۇمىس­تارى جۇرەتىندىكتەن، وڭتۇستىك باعىتتا (باتىس جاعىندا) كولىك قوزعالىسىنا شەكتەۋ قويىلىپ، قيىندىقتار تۋىنداۋى مۇمكىن.

كولىك قوزعالىسىنا شەكتەۋ قويىلاتىن ۋچاسكەلەر:

1) جاندوسوۆ كوشەسىنەن شالياپين كوشە­سىنە دەيىن  4 ءساۋىر مەن 16 مامىر ارالىعى؛

2)      شالياپين  كوشەسىنەن  اباي داڭعى­لىنا دەيىن 6  ءساۋىر مەن 25 مامىر ارالىعى؛

3)      اباي داڭعىلىنان جۇبانوۆ كوشەسى بويىمەن 21 مامىر مەن 18  ماۋسىم ارالىعى؛

4)      جۇبانوۆ كوشەسىنەن اباي داڭعى­لىنا قاراي  28 مامىردان 16 شىلدەگە دەيىن.

قالا تۇرعىندارىنا بارىنشا قولايلى بولۋ ءۇشىن جاڭارتۋ جۇمىستارى سەگمەنت  بويىنشا،  ياعني ءار 100 مەتر سايىن جۇمىس­تار اتقارىلىپ، قازىلعان ايماق­تاردىڭ ءۇستى  جابىلىپ، اسفالت توسەلەدى.  اتاپ ايتقاندا، جاندوسوۆ كوشەسىنەن سولتۇستىك باعىتتا اباي داڭعىلىنا دەيىن، اباي داڭعىلىنان وڭتۇستىك باعىتتا جاندوسوۆ كوشەسىنە دەيىن. سونداي-اق، اباي داڭعى­لىنان جۇبانوۆ كوشەسىنە دەيىن جۇرەدى.

الماتى اقشامى