ءبارىمىز دە بايقاپ ءجۇرمىز، وسى كەزگە دەيىن قوعامدىق كولىكتەردە كىم كورىنگەن كوندۋكتور بولىپ جۇرە بەرەتىن. ءتىپتى، ارا-تۇرا ولاردىڭ اراسىندا مەكتەپ جاسىنداعى وقۋشىلار دا كەزدەسىپ قالاتىن. ەندى وسى كەلەڭسىزدىكتىڭ ورنى جويىلاتىن بولدى.

ويتكەنى، جۋىردا الماتى قالاسى ءماسليحاتىنىڭ ەڭبەك،  جۇمىسپەن قامتۋ جانە كولىكتى دامىتۋ جونىندەگى تۇراقتى كوميسسياسىنىڭ ءتورايىمى روزا بادايەۆا «الماتى قالاسىنىڭ اۆتوبۋس پاركتەرى ءبىر اي ىشىندە زاڭسىز كوندۋكتورلاردان قۇتىلۋلارى كەرەك»، — دەپ مالىمدەدى. سوعان وراي اۆتوبۋس باسشىلىعى 20 ناۋرىز – 20 ءساۋىر ارالىعىندا وزدەرىندە جۇمىس ىستەيتىن كوندۋكتورلاردى زاڭدى تۇردە تىركەۋدەن وتكىزۋلەرى نەمەسە ولاردىڭ قىزمەتىن مۇلدەم توقتاتۋلارى قاجەت ەكەن.

ءوز كەزەگىندە وسى ماسەلەگە وراي اۆتوپارك باسشىلارى جاۋاپ بەرىپ، كون­دۋكتور رەتىندە ەشكىمدى جۇمىسقا قابىلداي المايتىندارىن ايتقان. ويتكەنى، مۇنداي جۇمىس ارقىلى وزدەرىنىڭ زور شىعىنعا باتاتىنىن كەلتىرگەن. اتاپ وتەتىنى، ءاۋ باستا ەلەكتروندى بيلەتتەندىرۋ جۇيەسى – جۇرگى­زۋشىلەردىڭ قولما-قول اقشاعا قولدارى جەتپەيتىن ەتىپ جاسالعان. سوعان وراي اۆتو­پاركتەر بۇل جۇمىستى ەلەكتروندى بيلەتتەن­ءدىرۋ وپەراتورلارى ءوز قولدارىنا الۋلارى ءتيىس دەپ سانايدى. سەبەبى، جولاقىدان جينالعان بارلىق اقشاعا تەك سولار عانا جاۋاپ بەرەدى ەكەن.

ايتقانداي، «Green Bus Company» كومپانياسى وسى ماسەلەگە وراي سىناق جۇرگىزىپ، كوندۋكتورلاردى جۇمىسقا قابىل­داپ بايقاعان. الايدا، جۇمىستىڭ اۋىرلى­عىنان ولاردىڭ كوپشىلىگى شىداي الماي، جۇمىستان شىعىپ كەتە بەرگەن.

الماتى اقشامى