«نۇر وتان» پارتياسى جاڭعىرۋ اياسىندا ەلىمىز بويىنشا 1000 ءىت-سىنىپ اشىپ، وندا جىلىنا 150 مىڭ بالانى وقىتۋدى قولعا الدى. ودان بولەك، پارتيانىڭ باستاماسىمەن 20 ءىت-ورتالىق اشىلىپ، جىلىنا 35 مىڭ قازاقستاندىق وسى سالا بويىنشا ارنايى ءبىلىم الماق. بۇل جونىندە «نۇر وتان» پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆ ءوزىنىڭ FACEBOOK الەۋمەتتىك جەلىسىندەگى رەسمي پاراقشاسىندا جاريالادى.
ايتا كەتەيىك، بۇگىن ورتالىق كوممۋنيكاسيالار قىزمەتىندە وتكەن بريفينگ بارىسىندا «نۇر وتان» پارتياسىنىڭ جاڭا جوبالارى كوپشىلىككە تانىستىرىلدى. ءىس-شاراعا پرەمەر-مينيستردىڭ ورىنباسارى اسقار جۇماعالييەۆ پەن «اتامەكەن» ۇلتتىق كاسىپكەرلەر پالاتاسىنىڭ باسقارما ءتوراعاسى ابلاي مىرزاحمەتوۆ تە قاتىستى. سەبەبى، اتالعان پارتيالىق جوبالار ۇكىمەت جانە بيزنەس قاۋىمداستىقپەن بىرلەسىپ جۇزەگە اسىرىلماق.
اتالعان ءىت-سىنىپتاردا 8-16 جاس ارالىعىنداعى بالالار باعدارلامالاۋ جانە روبوت تەحنيكاسىنىڭ نەگىزدەرى جايىندا ەۋروپالىق ءبىلىم بەرۋ ستاندارتى نەگىزىندە تەرەڭدەتىلگەن ءبىلىم الادى. بۇل باستاما مەكتەپتەرگە فاكۋلتاتيۆتى ءپان رەتىندە ەنگىزىلىپ، ءۇش ايلىق جانە التى ايلىق كۋرس رەتىندە جۇرگىزىلەدى.
ال ءىت-ماماندار دايارلاۋ باستاماسى بويىنشا ەلىمىزدە جۇمىس بەرۋشى ىت-كومپانيالار مەن ءىرى جوعارى وقۋ ورىندارىنىڭ بازاسىندا 20 ءىت-ورتالىق اشىلىپ، جىلىنا 35 مىڭ ادام ءبىلىم الماق. وسىلايشا «نۇر وتان» پارتياسى «اتامەكەن» ۇلتتىق كاسىپكەرلەر پالاتاسىمەن بىرلەسىپ قازاقستاندىقتاردىڭ سيفرلىق ساۋاتتىلىعىن ارتتىرىپ قانا قويماي، ولاردىڭ الەمدىك ءىرى جوبالارعا قاتىساتىن باسەكەگە قابىلەتتى مامان بولىپ قالىپتاسۋىنا جاعداي جاساماق.
شاعىن جانە ورتا بيزنەستى قولداۋ ماقساتىندا «نۇر وتان» پارتياسى كاسىپكەرلەرگە ارنالعان ءبىرىڭعاي گەواقپاراتتىق ونلاين قىزمەت ۇسىناتىن پورتال قۇرۋدى جوسپارلاپ وتىر. ونىڭ باستى ماقساتى – بيزنەس سالاسىنداعى مەملەكەتتىك قىزمەتتەردى ەلەكتروندى فورماتقا كوشىرۋ، دامىعان ەلدەردىڭ ەڭ ۇزدىك ۇلگىلەرىن ەنگىزۋ جانە بيزنەستەگى شىعىنداردى ازايتۋ. ناتيجەسىندە كاسىپكەرلەردىڭ ەلىمىز بويىنشا كوممەرسيالىق ماقساتتاعى جەر تەلىمدەرى مەن اۋكسيوندار تۋرالى تولىق مالىمەت الۋىنا، بيزنەس جۇرگىزۋدىڭ ءبىرىڭعاي ستاندارتىن ەنگىزۋگە جانە ەلەكتروندى ۇكىمەت جۇمىسىن جانداندىرۋعا مۇمكىندىك تۋادى.
سونىمەن قاتار «نۇر وتان» پارتياسى وڭىرلەردە مەملەكەت پەن بيزنەستىڭ الەۋمەتتىك سالاداعى ىنتىماقتاستىعىن ودان ءارى ارتتىرۋعا ارنالعان بىرنەشە جوبانى قولعا الىپ وتىر. سول ارقىلى مەكتەپ اسحانالارىنىڭ جۇمىسىن جاڭعىرتىپ، سپورت الاڭدارىن قايتا قالپىنا كەلتىرۋ جۇمىستارى جۇرگىزىلمەك. ودان بولەك، ارنايى WEB-سايت ارقىلى باستاۋىش سىنىپ وقۋشىلارىنا ارنالعان دەنساۋلىق ساباعى وقىتىلادى.
«رۋحاني جاڭعىرۋ» باعدارلاماسى بويىنشا دا پارتيا ءبىرقاتار باسىم باعىتتاردى قولعا الدى. بۇل رەتتە اۋىلدىق جەرلەردە اعىلشىن ءتىلىن ۇيرەنۋگە قولايلى ورتا قالىپتاستىرۋعا جانە ەلىمىزدە ەرىكتىلەر قوزعالىسىن دامىتۋعا باسىمدىق بەرىلىپ وتىر. سوعان بايلانىستى اعىلشىن ءتىلىن ەركىن مەڭگەرگەن 500 قازاقستاندىق جانە شەتەلدىك جاس ەرىكتى اۋىلدىق مەكتەپتەرگە جىبەرىلىپ، ولار ارنايى قۇرىلعان كلۋبتاردا جەرگىلىكتى جاستارعا ءتىل ۇيرەتەتىن بولادى.
پارتيانىڭ باستاماسىمەن وتاندىق كىتاپحانالاردى زاماناۋي ءبىلىم ورتالىقتارى رەتىندە قايتا قۇرىپ، ولاردىڭ جۇمىسىن جانداندىرۋ ءىسى دە قولعا الىنباق. سونىڭ ناتيجەسىندە ءبىرىڭعاي ونلاين كىتاپحانا جۇيەسى قالىپتاسىپ، ەلىمىزدەگى بارلىق كىتاپ قورى ەلەكتروندى فورماتقا كوشىرىلەدى.
– ءقازىر بۇكىل الەم قارقىندى دامىپ قانا قويماي، جەدەل وزگەرىستەرگە ۇشىراۋدا. سوندىقتان ءبىز دە بۇگىنگى زامان تالاپتارىنا ساي بەيىمدەلۋىمىز كەرەك. وسى ماقساتتا «نۇر وتان» پارتياسى ناقتى جوبالاردى قولعا الىپ، جۇمىستى باستاپ كەتتى. بۇل جوبالاردىڭ جۇزەگە اسىرۋ مۇمكىندىكتەرى جان-جاقتى ساراپتالىپ، ءتيىمدى تەتىكتەرى الدىن الا مۇقيات زەرتتەلدى. پارتيا وسىنداي ناقتى جوبالار ارقىلى ەلباسى ايقىنداپ بەرگەن ماقسات-مىندەتتەردى تابىستى جۇزەگە اسىرىپ، ستراتەگيالىق باستامالارعا بەلسەنە قاتىساتىن بولادى، – دەدى ماۋلەن اشىمبايەۆ.
بريفينگ بارىسىندا ۆيسە-پرەمەر اسقار جۇماعالييەۆ پەن «اتامەكەن» ۇكپ باسقارما ءتوراعاسى ابلاي مىرزاحمەتوۆ تە اتالعان جوبالاردىڭ ماڭىزدىلىعىنا نازار اۋدارىپ، ولاردى جۇزەگە اسىرۋ ءۇشىن ۇكىمەت جانە بيزنەس-قاۋىمداستىق تاراپىنان قاجەتتى بارلىق جاعداي جاسالاتىنىن جەتكىزدى.
