وزبەكستان پرەزيدەنتى شاۆكات ميرزيايەۆ تاشكەنتتە تۇركىمەنستان پرەزيدەنتى گۋربانگۋلى بەردىمۇحامەدوۆپەن كەزدەسىپ، بىرلەسكەن مالىمدەمەگە قول قويدى دەپ حابارلادى Qamshy.kz اقپارات اگەنتتىگى ازاتتىققا سىلتەمە جاساپ. 

كەزدەسۋدە سونىمەن قاتار ايماقارالىق ىنتىماقتاستىقتى دامىتۋعا، ساۋدا ۇيلەرىن اشۋ، ىسكەرلىك كەڭەستەر ۇيىمداستىرۋعا جانە ترانسپورت، ترانزيت، اۋىل شارۋاشىلىعى، عىلىم مەن تەحنيكا سالالارىنا قاتىستى 17 قۇجاتقا قول قويىلدى.

"ءبىز ەكى جاقتى ىنتىماقتاستىق جان-جاقتى تالقىلادىق. شەشىلمەگەن ماسەلە قالمادى دەپ ايتا الامىن، بارلىق باعىت بويىنشا ءوزارا تۇسىنىسە الدىق. ءبىز وسى نەگىزدە ەكى ەل اراسىنداعى سەرىكتەستىكتى ودان ارى دامىتۋدىڭ كەلەشەگى بارىن بايقادىق" دەدى شاۆكات ميرزيايەۆ.

تۇركىمەنستان پرەزيدەنتى گۋربانگۋلى بەردىمۇحامەدوۆ وزبەكستانعا ەكى كۇندىك ساپارمەن 23 ءساۋىر كۇنى بارعان.