الماتىنىڭ يندۋستريالدى ايماعىندا بيىل 10 جاڭا كاسىپورىن ىسكە قوسىلماق.

قازاقستان پرەزيدەنتى نۇرسۇلتان نازاربايەۆ جالپىۇلتتىق تەلەكوپىر بارىسىندا يندۋستريالاندىرۋ باعدارلاماسى بويىنشا 10 جاڭا كاسىپورىندى ىسكە قوستى. ايماقتارداعى كاسىپورىنداردىڭ جەتەكشىلەرى ونلاين رەجيمىندە مەملەكەت باسشىسىنا وزدەرىنىڭ كەلەشەكتەگى جوسپارلارىمەن ءبولىستى.

الماتىنىڭ يندۋستريالدى ايماعىندا بيىل 10 جاڭا كاسىپورىن ىسكە قوسىلىپ، 2000-عا تارتا جۇمىس ورنى اشىلادى. جوبالار ماشينا جاساۋ، قۇرىلىس يندۋسترياسى، فارماسيەۆتيكا، تاماق جانە حيميا ونەركاسىبىنە باعىتتالعان. ولاردىڭ جالپى قۇنى 58 ميلليارد تەڭگەنى قۇرايدى. وسى جىلى ىسكە قوسىلاتىن ءوندىرىس وشاقتارىنىڭ قاتارىندا شەتەلدىك ينۆەستورلاردىڭ دا جوبالارى بار. ماسەلەن، جاپوندىقتار ايماقتان قۇرىلىس ماتەريالدارىن شىعاراتىن زاۋىت اشسا، رەسەيلىكتەر كابەل ونىمدەرىن جاساۋعا قۇلشىنىپ وتىر ەكەن. ال قۇنى 33 ملرد تەڭگەنى قۇرايتىن تاعى ءبىر كاسىپورىن  ديامەترى كەڭ قۇبىرلار شىعاراتىن بولادى. قىتايلىق كاپيتال نەگىزىندە ىسكە قوسىلاتىن بۇل زاۋىت 40 پايىز يمپورتتى الماستىرادى دەپ كۇتىلۋدە. بۇعان قوسا، الداعى ۋاقىتتا تابيعاتقا زالال كەلتىرەتىن قالا ىشىندەگى ءىرى زاۋىتتاردى دا يندۋستريالدى ايماققا كوشىرۋ كوزدەلىپ وتىر.

«ءبىزدىڭ ماقسات - يندۋستريالدى ايماققا، بىرىنشىدەن، ءوزىمىزدىڭ، قالا كولەمىندە جۇمىس ىستەپ جاتقان، اسەرى ۇلكەن ونەركاسىپ مەكەمەلەرىن سول جەرگە جىلجىمالى تۇردە كوشىرۋ ماسەلەسى. سەبەبى، ولاردىڭ تەحنولوگيالارى وزىق تەحنولوگياعا ساي ەمەس. قالا الاڭىندا ەكولوگيا ماسەلەسى قيىن. سوندىقتان ەكولوگيا ساياسي بارىسىندا ءبىز ول ۇلكەن مەكەمەلەردى بۇگىنگى تاڭدا جۇمىس جاساپ، جوسپاردا سول يندۋستريالدى ايماققا كوشىرۋ ماسەلەسىن كوتەرىپ جاتىرمىز»، - دەدى الماتى قالاسى اكىمىنىڭ ورىنباسارى الماس مادييەۆ.

بۇدان بولەك، بيىل «الاتاۋ يننوۆاسيالىق تەحنولوگيالار پاركىن» دامىتۋدىڭ جاڭا باعدارلاماسى جاسالماق. ويتكەنى، 163 گەكتاردان اساتىن ەكونوميكالىق اۋماقتىڭ 50 گەكتاردان استام تەلىمى بوس تۇر. ول جەردە ءىت تەحنولوگيالاردى دامىتىپ، قالاعا قاجەتتى جوبالار جاسايتىن ونەركاسىپتەر اشۋ كوزدەلۋدە. جاڭا باعدارلامانى جاساقتاۋدا ستۋدەنتتەردىڭ دە ستارتاپ جوبالارىنا ءمان بەرىلەدى.

«بۇل الاڭدا قازىرگى تاڭدا 135 كومپانيا جۇمىس ىستەۋدە. 63 كومپانيا ەكستريالتەلدىق تۇرىندە جۇمىس ىستەپ جاتىر. وسى ماسەلەلەر ەندى زاڭ اسىندا شەشىلۋى ءتيىستى. ءبىراق نەگىزگى ءبىزدىڭ ماقسات - ول كومپايالاردىڭ سانىن كوبەيتۋ. ياعني، ول كومپانيالاردىڭ تەحنولوگيالارى ءبىزدىڭ قالالىق پروبلەمالاردى شەشۋگە ارنالعان تەحنولوگيا بولۋى كەرەك. جانە دە ءبىزدىڭ ەكونوميكالىق ەڭ ماڭىزدى - ءبىزدىڭ سالىق بازاسى مەن جۇمىس ورىندارىن اشۋ ماسەلەسى بولۋ كەرەك»، - دەدى الماتى قالاسى اكىمىنىڭ ورىنباسارى الماس مادييەۆ.