بۇگىن «رۋحاني جاڭعىرۋ» اياسىندا جۇزەگە اسىرىلىپ جاتقان جوبالاردىڭ قورىتىندىلارى جانە الداعى جىلعا ۇسىنىستار مەن جوسپارلاردى انىقتاۋ بويىنشا اۋقىمدى شارا ءوتتى. كەشە ەلباسى نۇرسۇلتان نازاربايەۆتىڭ «بولاشاققا باعدار:رۋحاني جاڭعىرۋ» باعدارلاماسىنا قاتىستى ماقالاسىنىڭ جاريالانعانىنا ءبىر جىل تولعان بولاتىن.

الماتى اۋداندارىندا «رۋحاني جاڭعىرۋ» باعدارلاماسىنىڭ ءبىر جىلدىعى اتالىپ وتۋدە.

الماتى اۋداندارىندا «رۋحاني جاڭعىرۋ» باعدارلاماسىنىڭ 1 جىلدىعى اتالىپ وتۋدە. بىلتىر ءدال وسى ۋاقىتتا ەلباسىنىڭ «بولاشاققا باعدار» باعدارلاماسىنىڭ اياسىندا ناۋرىزباي اۋدانىندا «ءالىبي» ساياباعى اشىلعان ەدى. بۇگىندە اتالعان ايماق ەڭكەيگەن قارت پەن ەڭبەكتەگەن بالانىڭ جايلى ورنىنا اينالعان.

«بۇل جەردە سپورتپەن اينالىسام دەگەن تۇرعىندارعا بارلىق جاعداي قاراستىرىلعان. ونى ايتا كەتسەك، ۆورد اۋلاسى بار، ۆەلواۋلا، سكەيتبورد اۋلاسى، جاسوسپىرىمدەرگە ارنالعان نەشە ءتۇرلى اتتراكسيون قاراستىرىلعان»، - دەدى الماتى قالاسى «ءالىبي» ساياباعىنىڭ ديرەكتورى جانبولات تىلەۋبايەۆ.

«رۋحاني جاڭعىرۋدىڭ» الدەن-اق يگىلىگىن كورىپ جاتقان ستۋدەنتتەر باعدارلامانىڭ ورنى ەرەك دەيدى. جاستار ءبىر جىلدا اتقارىلعان ىستەردى ءوز بەتتەرىنشە قورىتىندىلادى.

«1 جىل بولدى. سونىمەن قاتار، قورىتىندىسىن تۇگەلدەي انىقتاۋ كەرەك. وزدەرىڭىز بىلەسىزدەر، نە ىستەلىندى؟ قانداي ماسەلەلەر كوتەرىلدى؟ قانداي مەحانيزمدەر ءقازىر قوسىلۋدا؟ سونىڭ ءبارىن انىقتاۋ ءۇشىن جينالدىق. ءوز جەكە تاراپىمنان ايتسام، «رۋحاني جاڭعىرۋدى» قالاي تۇسىنەمىن ءيا؟ ول بىرىنشىدەن، قازاق تىلىندە سويلەۋ»، - دەدى الماتى قالاسى «جاس وتان» جاستار قاناتىنىڭ ءتوراعاسى دۋلات قاسىموۆ.

«رۋحاني جاڭعىرۋ» باعدارلاماسىنىڭ جاريالانعانىنا كەشە تۋرا ءبىر جىل بولدى. وسى ۋاقىت ارالىعىندا  ارنايى جوبالار بويىنشا اتقارىلعان ىستەر ءبىرشاما. ونى ق ر پرەزيدەنتى اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى  ايتىپ ءوتتى.

«باعدارلاما اياسىندا ءاربىر جوبا بويىنشا ءارقايسىسى جەكە مەملەكەتتىك باعدارلاما تۇراتىن اۋقىمدى جۇمىستار بولدى. وعان حالقىمىز بەلسەندى جۇزەگە اسسىرىپ، ۇيىمداستىرۋ  جۇمىسىنا قاتىسىپ ءجۇر. ءتىپتى، ب ا ق قۇرالدارىنىڭ سىني  ماقالالارىنىڭ ءوزى بارلىعىن ءبىر رەتكە قويىپ، ساپالى جۇمىس ىستەۋگە ترىسىۋعا يتەرمەلەدى. بۇگىنگى باسقوسۋ ءبىر جىلدىق جۇمىستى قورىتىندىلاۋ ەمەس، العا قويعان ماقساتتاردى دۇرىس انىقتاۋ بولىپ وتىر. مەملەكەتتىڭ بارلىق ازاماتى اتالمىش باعدارلاماعا ءتيىمدى قاتىسسا عانا ونىڭ ناتيجەسى ءتيىمدى ءارى ساپالى بولادى. «رۋحاني جاڭعىرۋ» بويىنشا جۇرگىزىلىپ جاتقان جۇمىستار وتە اۋقىمدى. ونى كەشە ءبىر جوبانىڭ تانىستىرىلۋى كەزىندە بايقاعان بولارسىزدار»، - دەدى  ق ر پرەزيدەنتى اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى  ايدا بالايەۆا.