الماتى تۇرعىنى ەلەكتروبايك ويلاپ تاپتى.

الماتىلىق ونەرتاپقىش جەڭىل، جينالمالى جانە تەز قۋاتتالاتىن ەلەكتروبايك ويلاپ تاپتى. قوعامدىق كولىكتىڭ جاڭا ءتۇرىن اسىرەسە قالا ىشىندە وزىڭمەن تاسۋ ىڭعايلى،  دەيدى قۇراستىرۋشى. ال باعاسى شەتەلدە شىعارىلاتىن تۇرلەرىنە قاراعاندا اناعۇرلىم ارزان. ونىڭ ۇستىنە بۇزىلا قالسا جوندەلۋى دە وڭاي. اۆتور ەندى وتىمدىلىگى جوعارى بولادى دەپ كۇتىلگەن جۇمىسىن نارىققا ساتۋ ءۇشىن ينۆەستورلار ىزدەيدى. 

ونەرتاپقىش ەرلان ءالىمحانوۆتىڭ ەلەكتروبايكى بار بولعانى 15 بولشەكتەن تۇرادى. ول ءساتتى تەست درايۆتان كەيىن ونى بوياۋعا كىرىسكەن. قۇراستىرۋشى بۇل قوعامدىق كولىكتىڭ جاڭا ءتۇرىن بار بولعانى 2 ايدىڭ ىشىندە ويلاپ تاۋىپ، جاساپ شىعىپتى. ەندى كوپتىڭ كوڭىلىنەن شىقسا نارىققا شىعارۋعا نيەتتى.

«جينالعان بايكتى جەڭىلدەتۋ ءۇشىن دوڭگەلەكتىڭ ديامەترىن بارىنشا كىشىرەيتە بەرۋگە بولادى. مەنىڭ ويلاپ تاپقان ەلەكتروبايكىمنىڭ ەرەكشەلىگى، وتە جيناقى بولعاندىقتان اۆتوبۋستىڭ ىشىندە دە تاسىمالداۋعا بولادى. ۇستىڭگى جاعى جەڭىل ماتەريالدان جاسالادى. ونى ۇستاۋعا دا ىڭعايلى، قوعامدىق كولىكتە ەشكىمگە كەدەرگى كەلتىرمەيدى»، -دەدى ¤ينجەنەر-ديزاينەر ەرلان ءالىمحانوۆ.

ەلەكتروبايكتاعى 4 باتارەيا 35 شاقىرىمدىق جولدى باعىندىرۋعا مۇمكىندىك بەرەدى. ال  ونى قۋاتتاۋعا بار بولعانى 4 ساعات جەتكىلىكتى. جول جونەكەي بايكتىڭ قۋاتى تاۋسىلسا، ونى بىردەن جيناپ قولدا ۇستاپ جۇرۋگە بولادى. كولىك قۇرالى ءاپ- ساتتە كىشىگىرىم جينالمالى دوڭگەلەگى بار چەمودانعا اينالادى، دەيدى ونەرتاپقىش. ول جوباسىن جۇزەگە اسىرۋ ءۇشىن قولداۋ كورسەتەتىن كاسىپكەرلەر ىزدەيدى.

«بىرنەشە فيرما مەنىڭ ويلاپ تاپقانىمدى جۇزەگە اسىرۋعا نيەتتى. جاقىندا ستارتاپتار جارىسىنا قاتىسىپ، سوندا يننوۆاسيالىق جوبالارمەن اينالىساتىن كومپانيا بىرىگىپ جۇمىس ىستەۋگە ۇسىنىس تاستادى. ماعان سوندا دا ينۆەستورلار قاجەت. سوندا وتاندىق ەلەكتروبايكتى جاساپ شىعارۋعا ۇلكەن مۇمكىندىك تۋار ەدى»،-دەدى  ¤ينجەنەر-ديزاينەر ەرلان ءالىمحانوۆ

قۇراستىرۋشى بۇل يننوۆاسيالىق تۋىندى كولىكتى الماستىرا الادى دەيدى. وعان قوسا، قالاداعى كولىك كەپتەلىسىنەن وڭاي قۇتىلىپ، قورشاعان ورتاعا زيان تيگىزبەۋدىڭ ەڭ ءتيىمدى جولى دەپ وتىر.