الماتىداعى ەكوبەكەتتەردە ءبىر ساتتە كولىكتىڭ ءتورت كەمشىلىگىن انىقتايتىن اپپارات قويىلدى.

الماتىعا كەلەتىن كولىكتەردى تەكسەرۋ كۇشەيەدى. ەكولوگيالىق بەكەتتەرگە ءبىر ساتتە ماشينانىڭ ءتورت كەمشىلىگىن انىقتاۋعا مۇمكىندىك بەرەتىن اپپارات قويىلدى. بۇرىن پوليسەيلەر نەگىزىنەن تەحنيكانىڭ تەك ەكولوگيالىق كورسەتكىشىن كورىپ كەلسە، ەندى جۇرگىزۋشىگە ءبىر ساتتە بىرنەشە اكىمشىلىك حاتتاما تولتىرىلۋى مۇمكىن.

بۇرىن پوليسەيلەر ەسكى كولىكتەردى كوبىرەك توقتاۋعا اۋەس بولسا، ەندى  جىلى جاڭا ماشينالاردى دا بەكەتتىڭ ماڭىنا ءجيى كەزدەستىرۋگە بولادى. گەرمانيا تاپقىرلارىنا تيەسىلى كوك ساندىق تەحنيكانىڭ ءتورت اقاۋىن انىقتايدى.

«بۇگىنگى تاڭدا بارلىق 10 ەكولوگيالىق بەكەتكە قويىلىپ جاتىر. ونىڭ جۇمىسىنا ەندى عانا بەلسەندى كىرىسىپ جاتىرمىز. انىق-قانىعىن،  تەحنيكالىق قىر سىرىن، سيپاتتاماسىن  ەندى عانا ءبىلىپ، ونى ءبىز ءوز تاجىريبەمىزدە بەلسەندى قولدانامىز»، -دەدى الماتى قالاسى ءىىد رەسمي وكىلى سالتانات ازىربەك. 

موتور مايىنىڭ قىزۋىن، قوزعالتقىشتىڭ جۇمىسىن، دوڭگەلەكتىڭ ءتۇزۋ اينالۋىن جانە گازدىڭ ءبولۋىن ءبىلىپ بەرەدى. وت الىپ تۇرعان موتور مايىنىڭ قىزۋى 60-80 گرادۋس ارالىعىندا  بولماسا قوزعالتقىشتا كىنارات بار دەپ سانالادى. تاقومەتر "ءتىلىنىڭ" تۇزۋلىگى دە مونيتور ارقىلى انىقتالادى.

«گەرمانيانىڭ اپپاراتى بىرنەشە بولشەك، بولىمدەردەن تۇرادى. گازواناليزاتور، ءتۇتىن ولشەگىش، ماتوردىڭ تەمپەراتۋراسىن انىقتاۋعا ارنالعان انىقتاعىشتار بار. ولاردىڭ ءبارى ارنايى باعدارلاما ارقىلى ىسكە اسىپ، كەز كەلگەن كولىكتىڭ  احۋالىن انىقتاپ بەرە الادى. ءبىز كومپانيانىڭ  وكىلى رەتىندە ينسپەكتورلارعا ۇيرەتىپ جاتىرمىز»، -دەدى   ينجەنەر رۋسلان شامسىتدينوۆ.

اپپاراتتى تەستىلىك رەجيمدە تەكسەرىپ جاتقان ينسپەكتورلار اقاۋى تابىلعان كولىكتەردىڭ كوپ ەكەنىن ايتادى. ءبىراق جۇرگىزۋشىلەردى ازىرگە ەسكەرتۋمەن جىبەرىپ جاتىر. ارى كەتكەندە ءبىر ايدىڭ ىشىندە قولدانىسقا كوشكەن سوڭ جوعارىداعى كورسەتكىشتەر بويىنشا كەمشىلىك تابىلعان كولىك يەلەرىنە  بىردەن بىرنەشە ايىپپۇل سالىنادى. 

«ەكولوگيالىق بەكەتتەردىڭ ساپالى جۇمىس جاساۋىنا جان-جاقتى جاردەمدەسەمىز. قوعام، پارتيا، قالا اكىمدىگى سىندى  بارلىعى دا  ەكولوگيالىق باقىلاۋدىڭ دۇرىس جۇمىس جاساعانىنا مۇددەلى. ويتكەنى، قالانىڭ ەكولوگياسى قاشاندا كۇن تارتىبىنەن تۇسپەيدى»، - دەدى  "نۇر وتان" پارتياسى الماتى قالالىق فيليالى بويىنشا پارتيالىق باقىلاۋ كوميسسياسىنىڭ ءتوراعاسى  اندرەي مورگۋنوۆ. 

الماتى تىركەۋدە تۇرعان 550 مىڭ كولىكتەن بولەك، تاۋلىگىنە 300-350 مىڭ تەحنيكانىڭ ترانزيتتىك جولى سانالادى. كىرەبەرىستەگى 10 باقىلاۋ بەكەتى  ارقىلى تەك ەكولوگيالىق كەمشىلىك كورسەتكىشى بويىنشا بيىلعى جىلدىڭ ءۇش ايىندا 15 ميلليون تەڭگەنىڭ ايىپپ ۇلى سالىنىپتى.