الماتىداعى اباي داڭعىلىن ۇزارتۋ جۇمىستارى 2019 جىلى تولىق اياقتالادى.
الماتىداعى اباي داڭعىلىن سوزۋ جۇمىستارى 2019 جىلى تولىق اياقتالادى. بۇل تۋرالى قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ماقسۇت يساحوۆ مالىمدەدى. جالپى، داڭعىلدى سوزۋ جۇمىستارى ۇشكە ءبولىنىپتى. ءقازىر ناۋرىزباي اۋدانىنداعى ءبىر بولىگى بىتكەن. ونىڭ ۇزىندىعى ءبىر شاقىرىمنان اسادى. ال ەكىنشى بولىگىنىڭ ۇزىندىعى 2 شاقىرىمعا جۋىق. قۇرىلىس قۇنى 8 ميلليارد تەڭگەنى قۇراپ وتىر. ال ودان كەيىنگى بولىكتىڭ ۇزىندىعى 1 كم 250 مەتر. ونىڭ قۇنى 2،5 ميلليارد تەڭگە. جاۋاپتىلاردىڭ سوزىنشە، قۇرىلىس جۇمىستارىنا قوسىمشا قارجى كەرەك.
«قازىرگى ۋاقىتقا 110 ميلليون تەڭگە ءبولىنىپ تۇر. ونىڭ جۇمىسىن ءبىز ءبىراق جالعاستىرىپ جاتىرمىز. رەسپۋبليكالىق بيۋدجەتكە قارجىلاندىرۋعا تاپسىرىس بەرىپ قويعانبىز. بيۋدجەتتەن قارجىلاندىرۋ كەرەك. تولىققاندى وسى 2 ۋچاسكەنىڭ ءبىزدىڭ جوبامىز بويىنشا 2019 جىلدىڭ جەلتوقسان ايىندا تاپسىرۋىمىز كەرەك»،- دەدى الماتى قالاسى جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ماقسۇت يساحوۆ.
ال نازاربايەۆ داڭعىلىن جانسۇگىروۆ كوشەسىنە قوسۋ وسى جىلدىڭ قىركۇيەك ايىندا اياقتالادى. بۇل جۇمىستارعا رەسپۋبليكالىق بيۋدجەتتەن 2 ميلليارد تەڭگە ءبولىنىپتى. ال ۇيلەردى ساتىپ الۋعا 3،9 ميلليارد تەڭگە كەرەك ەكەن. ەگەر قارجى بەرىلەتىن بولسا، 177 ءۇي سۇرىلەدى.
پىكىر قالدىرۋ