بالۋان شولاق اتىنداعى سپورت سارايىندا حوككەيدەن ايەلدەر اراسىنداعى قازاقستان بىرىنشىلىگىنىڭ ءۇشىنشى تۋرى جالعاسۋدا.

بۇگىن چەمپيوناتتىڭ ۇزدىك كوماندالارى "ايسۇلۋ" مەن "توميريس" باستەستى. ماچتىڭ ەكى كەزەڭىندە دە xوككەيشىلەر قارسىلاستار قاقپاسىنا شايبا سوققان جوق. شابۋىلدار بولعانىمەن، ەشتەڭە شىقپادى، ەسەپ وزگەرىسسىز 0:0. الايدا، سوڭعى كەزەڭدە الماتىلىقتار جينالىپ، كومانداسىنا ەكى ۇپاي سىيلادى. ماچتىڭ ناتيجەسى بويىنشا "ايسۇلۋ" 3:0 ەسەبىمەن استانالىق xوككەيشىلەردى تىزە بۇكتىردى. 

- ەكى كەزەڭدە ناتيجەسىز بولدى، مەنىڭ ويىمشا، ءبىز ويىننىڭ باسىندا جينالا المادىق، تاكتيكالىق ادىستەر دە ويداعىداي شىقپادى. بۇگىنگى ماچ ءساتسىز باستالعانىمەن، ويىننىڭ سوڭىندا ءبىز جينالىپ، جەڭە الدىق. ءبىرىنشى شايبانى ءبىزدىڭ كاپيتان سوقسا، كوماندامنىڭ كومەگىمەن سوڭعى ەكەۋىن ءوزىم سوقتىم، - دەپ ءبولىستى "ايسۇلۋ" xوككەيشىسى مەرۋەرت رىسپەك.

بۇل ماچتان كەيىن كىشى «ايسۇلۋ U-18» بەن «گورنياك» جارىس جولىنا شىقتى. "ايسۇلۋدىڭ" ءىزىن قۋعان كىشى كوماندا دا بۇگىن جەڭىسكە جەتتى. ولار "گورنياكتى" 6:0 ەسەبىمەن ويسىراتا ۇتتى.

ەسكە سالا كەتسەك، الماتىلىق «ايسۇلۋ» مەن «ايسۇلۋ-18» كوماندالارى قوناقتاردى كۇندەلىكتى ساعات 10:00-دە جانە 12:40-تا قابىلدايتىن بولادى. ويىندار سپورت سارايىنىڭ كىشى زالىندا وتەدى. ايتا كەتەر جايت، ەل چەمپيوناتىندا الماتىلىق «ايسۇلۋ» ءبىرىنشى ورىنمەن كوش باستاپ تۇر.

قازاقستان چەمپيوناتىنىڭ ويىندار كەستەسى:

23 ءساۋىر

10:00. «ايسۇلۋ» - «تورپەدو»

12:40. «ايسۇلۋ-18» - «توميريس»

24 ءساۋىر

10:00. «توميريس» - «تورپەدو»

12:40. «ايسۇلۋ» - «گورنياك»