بۇگىن الماتىدا ۇلىبريتانيانىڭ گەندىك اۋرۋلاردى ەمدەۋ بويىنشا تاجىريبەلى ماماندارى ايماقتاردان كەلگەن 100-دەن استام دارىگەرگە سەمينار وتكىزۋدە. شارا «بالالارداعى مۋكوۆيسيدوزدى دياگنوستيكالاۋ مەن ەمدەۋدىڭ وزەكتى ماسەلەلەرى» اتتى عىلىمي-تاجىريبەلىك كونفەرەنسيا اياسىندا ۇيىمداستىرىلعان.

ق ر دسم پەدياتريا جانە بالالار حيرۋرگياسى عىلىمي ورتالىعى باسپا ءسوز قىزمەتى كەلتىرگەن دەرەك بويىنشا، بۇگىندە قازاقستاندا رەسمي تۇردە مۋكوۆيسيدوزعا شالدىققان 105 ناۋقاس تىركەلگەن.

«ءار بالا ساپالى ەم الىپ، ۇزاق ءومىر سۇرۋگە قۇقىلى. شارانى وتكىزۋدەگى باستى ماقساتىمىز ق ر دارىگەرلەرىنىڭ بىلىكتىلىگىن ارتتىرىپ، وسى دەرتكە مەديسينالىق قوعامداستىقتىڭ نازارىن اۋدارتۋ»، - دەيدى «مۋكوۆيسيدوزبەن اۋىراتىن مۇگەدەك بالالار» قب باسشىسى ينديرا ءىزباساروۆا.

ونىڭ ايتۋىنشا، گەندىك اۋرۋعا شالدىققان ناۋقاستاردى ەمدەۋ بۇكىل الەمدە ەرەكشە قىمبات جانە الەمنىڭ بارلىق دامىعان ەلدەرىندە ارنايى مەملەكەتتىك باعدارلامالارمەن قامتاماسىز ەتىلەدى.

ەكى كۇندىك سەميناردى جۇرگىزۋگە گرەيت ورموند-ستريت جانە برومپتون كورولدىق اۋرۋحانالارىنىڭ جەتەكشى دارىگەرلەرى يەن بالفۋر-لين، امماني پراساد، سيۋزان مەدج، ميلان ماسەك، سيۋزي كەنني جانە دۇنيەجۇزىلىك مۋكوۆيسيدوز ۇيىمىنىڭ پرەزيدەنتى تەرري ستيۋارت مىرزانىڭ ءوزى كەلدى. شەتەل ماماندارى ناۋقاس بالالاردى دۇرىس كۇتۋ مەن تاماقتاندىرۋ بويىنشا كەڭەستەر بەرەدى.

بىلىكتىلىكتى ارتتىرۋ ماقساتىندا ءوتىپ جاتقان سەمينارعا پەدياتريالىق قىزمەتتىڭ 100-دەن استام دارىگەرلەرى: پۋلمونولوگتار، ديەتولوگتار، گاستروەنتەرولوگتار، سونىمەن قاتار، قازاقستان رەسپۋبليكاسىنىڭ بارلىق ايماقتارىنان سيرەك (ورفاندىق) اۋرۋلار بويىنشا وڭىرلىك ۇيلەستىرۋشىلەر مەن مەديسينالىق جوو ستۋدەنتتەرى قاتىسۋدا.

ايتا كەتەيىك، اتالمىش شارا اياسىندا 26 ءساۋىر كۇنى شەتەلدىك قوناقتار ق ر دسم پەدياتريا جانە بالالار حيرۋرگياسى عىلىمي ورتالىعىنىڭ تىنىس-تىرشىلىگىمەن تانىسىپ، سيرەك اۋرۋلارعا شالدىققان بالالاردىڭ اتا-انالارىمەن كەزدەسەدى. كەزدەسۋ اياسىندا №2 قالالىق بالالار ەمحاناسى، ق ر دەنساۋلىق ساقتاۋ مينيسترلىگى وكىلدەرى جانە كلينيكا دارىگەرلەرىنىڭ قاتىسۋىمەن دوڭگەلەك ۇستەل وتىرىسى وتەدى. وندا بالالارداعى مۋكوۆيسيدوزدى دياگنوستيكالاۋ مەن ەمدەۋ، اۋرۋدى دياگنوستيكالاۋدىڭ مەديسينالىق-گەنەتيكالىق ماسەلەلەرى، ەمدەۋ جانە دارىلىك زاتتارمەن قامتاماسىز ەتۋ، كينەزيتەراپيا جانە ناۋقاستى وڭالتۋ ماسەلەلەرى تالقىلانىپ، وقىتۋ ءدارىسى بويىنشا قورىتىندى شىعارىلادى.

سونداي-اق،  قازاقستاندا مۋكوۆيسيدوز ورتالىعىن سالۋ جايىن تالقىلاۋ جوسپارلانعان.

جولداس ورىسبايەۆ