جاڭاوزەن قالاسى، تەڭگە اۋىلىندا دوستارىمەن قىدىرۋعا شىققان 16 جاستاعى ءجاسوسپىرىم تىرىدەي ورتەنىپ كەتە جازدادى. ونىڭ اناسى، وقىس وقيعاعا ۇلىنىڭ دوستارىن كىنالايدى، دەپ xابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ.

ءقازىر زارداپ شەككەن قوجاxمەت ىلەسبايەۆ ماڭعىستاۋ وبلىستىق اۋرۋxاناسىنىڭ جانساقتاۋ بولىمىندە جاتىر.

دارىگەرلەردىڭ ايتۋىنشا، دەنەسىنىڭ 52% كۇيىك شالعان. سوندىقتان ناۋقاستى سانيتارلىق اۆياسيامەن استاناعا اپارۋ قاجەت. ءقازىر سوعان بايلانىستى تەرگەۋ جۇمىستار جۇرگىزىلىپ جاتىر.

اناسىنىڭ ايتۋىنشا، ۇلى قوجاxمەت وقىس وقيعا بولار كۇنى ەكى دوسىمەن سىرتقا شىعىپ كەتكەن. كەنەتتەن كورشىنىڭ بالاسى جۇگىرىپ كەلىپ، جايسىز حاباردى جەتكىزگەن. ورتكە ورانعان بالاسىنىڭ ەس-تۇسسىز جاتقانىن كورگەن ول، ەسىنەن تانىپ قالا جازداعان. شۇعىل جەدەل-جاردەم شاقىرىپ، بالا جاڭاوزەن قالاسىنىڭ اۋرۋxاناسىنا جەتكىزىلەدى.

«قاسىنداعى بالانىڭ اعاسى ونى سۋ شاشىپ سوندىرگەن ەكەن. بالامنىڭ بەتى، قولى، اياعى تۇگەل كۇيىپ قالعان. جاعدايى اۋىر xالدە. تەك اپپاراتپەن ءومىر ءسۇرىپ جاتىر. ءبىراق ازداپ سويلەي الادى. ۇلىمدى كىم ورتەگەنىن، وسىنداي xالگە قالاي جەتكەنىن بىلگىم كەلەدى. وتكەن جولى پالاتاسىنا كىرگەنىمدە «انا بالالار جاسادى» دەپ جىلادى»، — دەيدى اناسى بالعانىم وماروۆا.

ازىرشە وقيعانىڭ قالاي بولعانى بەلگىسىز. تەك اناسى دوستارىن كىنالى دەپ سانايدى. سول كۇنى قوجاxمەتتى ەرتىپ كەتىپ، ۇستىنە بەنزين شاشىپ، ورتەپ جىبەرگەن دەگەن كۇدىگى بار. سوندىقتان قۇقىق قورعاۋ ورگاندارىنا ارىز تۇسىرگەن.

«دارىگەرلەر بالا اپپاراتتان شىقسا، ولەتىندىگىن ايتادى. قالاي قينالىپ جاتقانىن ءوز كوزىممەن كوردىم. قوجاxمەت ءۇشىنشى بالام. ءالى ەسىمدى جيا الماي ءجۇرمىن. استاناعا الىپ كەتەيىن دەسەم، قاراجات تا جوق»، — دەيدى اناسى.

وبلىس ورتالىعىندا 20 كۇننەن استام جاتقان قوجاxمەتتىڭ جاعدايى وتە اۋىر. ول جاڭاوزەننەن 3 ءساۋىر كۇنى جەتكىزىلگەن. جەرگىلىكتى دارىگەرلەر ونىڭ جاعدايىن جاقسارتۋ ءۇشىن بارلىعىن جاساعان. ءقازىر كۇيگەن تەرىنى اۋىستىرۋعا قامدانىپ جاتىر.

ماڭعىستاۋ وبلىستىق اۋرۋxاناسىنىڭ تراۆماتولوگيا ءبولىمىنىڭ دارىگەرى قۇرالبەك ەسقالييەۆتىڭ ايتىنشا، قوجاxمەت ىلەسبايەۆتىڭ دەنەسىنىڭ 50-52 پايىزىن كۇيىك شالعان. ونىڭ 47% تەرەڭ كۇيىك.

وبلىستىق ىىد-دەن ءمالىم ەتكەندەي، وقيعا بويىنشا قىلمىستىق ءىس قوزعالدى.

«ءقازىر بۇل ءىس جاڭاوزەن ىشكى ىستەر باسقارماسىنا تىركەلدى. ق ر قك-نىڭ 114-بابى، 3-بولىگى بويىنشا (ابايسىزدا دەنساۋلىققا زيان كەلتىرۋ) تەكسەرۋ امالدارى جۇرگىزىلۋدە. ءجاسوسپىرىم اۋرۋحانادان شىققاننان سوڭ سوت ساراپتاماسى تاعايىندالاتىن بولادى»، — دەيدى وبلىستىق ءىىد مەملەكەتتىك ءتىل جانە اقپارات ءبولىمى باستىعىنىڭ مىندەتىن اتقارۋشى ايگەرىم يباتۋللايەۆا.

ءتارتىپ ساقشىلارىنىڭ ايتۋىنشا، مەديسينالىق ساراپتاما جاساۋ ءۇشىن زارداپ شەگۋشىنىڭ جاعدايى جاقسارۋ كەرەك. ازىرشە، جانساقتاۋ بولىمىندە جاتقان قوجاxمەتتى قوزعاۋعا بولمايدى.