كوكشەتاۋ قالاسى «دوستار» مادەنيەت سارايىندا «اقان سەرىنىڭ ءان بەسىگى» اتتى litrary evening ۇيىمداستىرادى، دەپ حابارلايدى ىشكى ساياسات باسقارماسى.

شارا ءحىح عاسىردىڭ ەكىنشى جارتىسىندا ءومىر سۇرگەن قازاقتىڭ ءانشى-اقىندار توبىنىڭ كورنەكتى وكىلدەرىنىڭ ءبىرى اقان سەرى قورامسا ۇلىنىڭ شىعارماشىلىعىنا ارنالعان عىلىمي كونفەرەنسيا جانە ادەبي-مۋزىكالىق كەش رەتىندە ەكى كەزەڭنەن تۇرادى.

ال، كومپوزيتور، جازۋشى، پۋبليسيست، مۋزىكا تانۋشى، قازاقستان مەن قىرعىزستاننىڭ ەڭبەك سىڭىرگەن مادەنيەت قايراتكەرى ءىليا جاقانوۆ، فيلولوگيا عىلىم دوكتورى، پروفەسسور سەرىك نەگيموۆ، قازاقستان رەسپۋبليكاسىنىڭ حالىق ءارتىسى، مەملەكەتتىك سىيلىعىنىڭ لاۋرەاتى، پروفەسسور، قازاق ۇلتتىق ۋنيۆەرسيتەتى ءداستۇرلى ءان كافەدراسىنىڭ مەڭگەرۋشىسى                         قايرات بايبوسىنوۆ، جازۋشى-جۋرناليست، ق ر جازۋشىلار وداعىنىڭ مۇشەسى، قازاقستانعا ەڭبەك سىڭىرگەن مادەنيەت قىزمەتكەرى، كوكشەتاۋ قالاسىنىڭ قۇرمەتتى ازاماتى، قوعام قايراتكەرى تولەگەن قاجىباي، جازۋشى-دراماتۋرگ، م.اۋەزوۆ اتىنداعى ونەر ينستيتۋتىنىڭ عىلىمي قىزمەتكەرى ەربولات بايات ۇلى، «رۋحاني جاڭعىرۋ» جوبالىق كەڭسەسىنىڭ جەتەكشىسى ەركىن يسيمبايەۆ بۇل عىلىمي كونفەرەنسيانىڭ سپيكەرلەرى بولدى.

اتالعان ءىس-شارانىڭ ماقساتى – حالقىنىڭ اسپاپتىق، ۆوكالدىق مۋزىكاسىن ساقتاۋ جانە ناسيحاتتاۋ، شىعارماشىلىق بايلانىس پەن ارىپتەستىكتى نىعايتۋ، اقان سەرى تۇلعاسىنىڭ تاريحي ءارى مادەني ماڭىزىن ناسيحاتتاۋ. ال، نەگىزگى تاقىرىبى - شىعارمالارى قازاق حالقىنىڭ ماڭگىلىك مۋزىكالىق قورىنا ەنگەن ۇلى سۋىرىپ سالما اقىننىڭ مۋزىكالىق مۇراسىن كەڭىنەن تانىتۋ.

مادەني شارادا حالىقتىڭ مۋزىكالىق قازىناسىندا وزىنە لايىقتى ورىن العان اقان سەرىنىڭ بيىك شىڭداعى تۋىندىلارى: «قۇلاگەر»، «ماڭماڭگەر»، «ماقپال»، «بالقاديشا»، «كوكجەندەت»، «سىرىمبەت» جانە تاعى باسقا ولەڭدەرى ورىندالدى.

سونداي-اق، بۇگىنگى تاڭدا مۋزىكا، ونەر سالاسىن زەرتتەۋشىلەر ونىڭ شىعارماشىلىعىن زەرتتەي كەلە جاڭا قىرلارىن اشىپ، ۇزدىك قازاق مۋزىكالىق داستۇرلەرىن جاڭا قىرىنان ناسيحاتتاپ كەلەدى. بارلىق ورىنداۋلار – وبلىس تۇرعىندارىنا ارنالعان كەرەمەت، اۋەزدى مۋزىكالىق تارتۋ بولدى.

مادەني شارا قالالىق زيالى قاۋىم وكىلدەرىنىڭ، قازاقستان رەسپۋبليكاسى مادەنيەت قايراتكەرلەرىنىڭ، فيلولوگ-وقىتۋشىلاردىڭ، جاقىن جانە الىس شەتەل شىعارماشىلىق زيالى قاۋىمىنىڭ، قازاقستان مادەنيەتى تاريحى زەرتتەۋشىلەرىنىڭ، جوعارى جانە ارنايى ورتا ءبىلىم مەكەمەلەرى ستۋدەنتتەرىنىڭ جانە ب ا ق وكىلدەرىنىڭ قاتىسۋمەن ءوتتى.

ءىس-شارانىڭ مەديا-تاپسىرماسى قازاق مۋزىكالىق فولكلورىن دارىپتەۋ، ۇلتتىق مادەنيەت ءداستۇرىن ساقتاۋ بولدى.