2 مامىر، سەيسەنبى كۇنگى مەتەورولوگيالىق جاعدايلار رەسپۋبليكانىڭ 3 قالاسىندا لاستاۋشى زاتتاردىڭ شوعىرلانۋىنا ىقپال ەتەدى، دەپ حابارلايدى «قازگيدرومەت».

اقتاۋ، اتىراۋ، تاراز قالالارىنداعى مەتەورولوگيالىق جاعدايلار اتموسفەرادا لاستاۋشى زاتتاردىڭ شوعىرلانۋىنا ىقپال ەتەدى.

اقتوبە، الماتى، استانا، قاراعاندى، قوستاناي، قىزىلوردا، كوكشەتاۋ، پاۆلودار، پەتروپاۆل، ورال، وسكەمەن، شىمكەنت قالالارىندا مەتەورولوگيالىق جاعدايلار اتموسفەراداعى لاستاۋشى زاتتاردىڭ ىدىراۋىنا ىقپال ەتەدى. قمج - اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ جينالۋىنا ىقپال ەتەتىن قىسقامەرزىمدى مەتەورولوگيالىق فاكتورلاردىڭ (تىمىق، جەڭىل جەل، تۇمان، ينۆەرسيا) ۇيلەسىمى. قمج جاعدايىندا ەلدى مەكەندەردەگى اتموسفەرالىق اۋانىڭ ساپاسى ناشارلاۋى مۇمكىن. لاستانۋ دەڭگەيىنىڭ قالىپتاسۋىن انىقتايتىن ماڭىزدى فاكتورلاردىڭ ءبىرى - سينوپتيكالىق احۋالدىڭ (جەل، جاۋىن-شاشىن، ىلعالدىلىق، اۋا تەمپەراتۋراسى) بولجامى.