الماتى اكىمىنىڭ جارلىعىمەن قازاقستان رەسپۋبليكاسىنىڭ جەر كودەكسىنە سايكەس جانە جەر كوميسسياسىنىڭ شەشىمىنىڭ نەگىزىندە "قازاقستاننىڭ "اتاكەنت" ىسكەري سەرىكتەستىك ورتالىعى" اق-مەن 23 گەتار اۋماقتاعى جەر تەلىمىنى جالعا بەرۋ كەلىسىمى بۇزىلدى، - دەپ حابارلايدى Tengrinews.kz-كە سىلتەمە بەرىپ Qamshy.kz اقپارات اگەنتتىگى.

"اتاكەنت" ءقىسو جالپى اۋماعى 54،1 گەكتار. 31 گەكتار جەر جەكەمەنشىكتە، ونىڭ 17 گەكتارىندا ساۋدا ورىندارى، قوانقۇيلەر مەن سپورت كەشەندەرى ورنالاسقان.

  "قازىرگى كەزدە الماتى اكىمدىگى قۇقىق بەرەتىن قۇجاتتاردى تەكسەرىپ جاتىر. يگەرىلمەگەن 14 گەكتار جەرگە پايدالانۋ بويىنشا شەكتەۋ قويىلدى. 

 12 ساۋىردە باۋىرجان بايبەك "اتاكەنت" ءقىسو اۋماعىن قالانىڭ كوممۋنالدىق مەنشىگىنە قايتارۋدى تاپسىرعان بولاتىن.  "باسقارۋشى كومپانيانىڭ اۋماقتى دامىتۋ بويىنشا وزىنە جۇكتەلگەن مىندەتتەرىن ورىنداماۋىنا بايلانىستى قالا باسشىسى كەلىسىمدى بۇزىپ، جەردى قالانىڭ كوممۋنالدىق مەنشىگىنە قايتارۋ تۋرالى زاڭدسى شەشىمدى دايىنداۋدى تاپسىرعان"، - دەپ حابارلايدى اكىمدىكتىڭ باسپا ءسوز قىزمەتى. 

باۋىرجان بايبەك كورمە اۋماعىندا بولىپ قايتاقاناننان كەيىن 15 كۇنەن سوڭ اسفالت الىنىپ تاستالدى، Pine Hill كافەسى الىنىپ، 400 اعاش وتىرعىزىلدى. 200-دەي جۇمىسشى اكىمنىڭ ەسكەرتۋ ايتقان ولقىلىقتاردى تۇزەۋمەن اينالىسىپ جاتىر.