قازاقستاندا ونەرتاپقىش الەم بويىنشا Wi-Fi تاراتاتىن سيمكا ويلاپ تاپتى. بۇل تۋرالى ق ر ينۆەستيسيالار جانە دامۋ ۆيسە-مينيسترى تيمۋر توقتابايەۆ ق ر پارلامەنتى ماجىلىسىندە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ۆەنچۋرلىق قارجىلاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ تانىستىرىلىمى بارىسىندا حابارلادى.

«كەيدە ۇلكەن بولماسا دا، جوبالار ادامدى قىزىقتىرادى. ماسەلەن، ءسىز شەتەلگە شىققاندا روۋمينگ بويىنشا كوپ شىعىنعا باتاتىنىڭىز انىق. ال قازاقستاندىق ونەرتاپقىش سىزدەرگە قولايلى سيمكا ويلاپ تاپتى. ول بۇكىل الەم بويىنشا Wi-Fi تاراتادى. قاي ەلگە بارساڭىز دا، سول سيمكا ارقىلى WhatsApp-تى دا، Viberء-دى دە قوسا الامىز. جانە تەگىن قوڭىراۋ شالا الاسىز. ونى ءوزىم دە پايدالانۋعا اسىقپىن. ەڭ باستىسى سيمكانى قازاقستاندىق ويلاپ تاپتى. ەگەر ونى تيىسىنشە قارجىلاندىرماساق، وتاندىق ءونىم شەتەلدىكتىڭ قولىنا ءوتىپ كەتەدى»، - دەدى ۆيسە-مينيستر.  

تيمۋر توقتابايەۆ وزگە دە پەرسپەكتيۆالى جوبالاردى اتادى. ءوز بايانداماسىندا مۇنداي جوبالاردى دەر كەزىندە قارجىلاندىرىپ تۇرۋ ماڭىزدى ەكەنىن ەسكەردى.