بۇگىن ريادتا ساۋد ارابيا كورولدىگىنىڭ يسلام ىستەرى بويىنشا ءمينيسترى شەيح ساليح بين ابدۋل ءازيز بين مۋحاممەد ال-شەيح قازاقستاننىڭ باس ءمۇفتيى سەرىكباي قاجى وراز باستاعان دەلەگاسيانى قابىلدادى، دەپ حابارلايدى Qamshy.kz اقپارات اگەنتتىگى قمدب باسپا ءسوز قىزمەتىنە سىلتەمە جاساي وتىرىپ.

كەزدەسۋ بارىسىندا مينيستر كورولدىك پەن قازاقستان اراسىنداعى قارىم-قاتىناستىڭ ايرىقشا ەكەندىگىن اتاپ، وسى ساپاردىڭ ءوزى ەكى باۋىرلاس ەلدىڭ اراسىنداعى ەرەكشە قارىم-قاتىناستى قۋاتتاي تۇسەتىندىگىن تىلگە تيەك ەتتى.

ءوز كەزەگىندە، باس ءمۇفتي سەرىكباي قاجى ساتىبالدى ۇلى قازاقستان مەن كورولدىك اراسىنداعى ءار ءتۇرلى: مادەني جانە ءدىني سالالارداعى ىنتىماقتاستىققا العىسىن ءبىلدىرىپ، وسى قاتىناستاردىڭ بۇگىندە نىعايىپ، دامي تۇسكەندىگىن اتادى. سونىمەن قاتار، ال-شەيحتى قازاقستاندا وتەتىن «الەمدىك جانە ءداستۇرلى دىندەر ليدەرلەرىنىڭ سەزىنە» قاتىسۋعا شاقىردى.

ءبىرقاتار ماڭىزدى ماسەلەلەر بويىنشا پىكىر الماسقان تاراپتار كەزدەسۋ سوڭىندا ءوزارا ەستەلىك-سىيلاقتارمەن الماستى.