«سامۇرىق-قازىنا» ءۇاق » اق باسقارما ءتوراعاسى احمەتجان ەسىموۆ قوردىڭ قورجىندىق كومپانيالارىنىڭ باسشىلارىمەن كەڭەس وتكىزدى، دەپ حابارلايدى Qamshy.kz اقپارات اگەنتتىگى «سامۇرىق-قازىنا»ءۇاق» اق قوعاممەن بايلانىس دەپارتامەنتىنە سىلتەمە جاساي وتىرىپ.

جيىن بارىسىندا ءبىرقاتار كومپانيالاردىڭ قىزمەتى، قارجىلىق جاعدايى جانە دامۋ باعدارلامالارىن جۇزەگە اسىرۋ ماسەلەلەرى قاراستىرىلدى.

احمەتجان ەسىموۆ قانات قۇدايبەرگەنوۆتى «تاۋ-كەن-سامۇرىق» اق-نىڭ باسقارما ءتوراعاسى رەتىندە تانىستىردى.  قانات قۇدايبەرگەنوۆ 2016 جىلدان باستاپ 2018 جىلعا دەيىن «قاراتاۋ» ج ش س جانە «قازاتومپروم» ۇاك»اق باس ديرەكتورى قىزمەتىندە جۇمىس ىستەدى، سونداي-اق، 2018 جىلدىڭ ءساۋىر ايىنان باستاپ «تاۋ-كەن-سامۇرىق» اق-نىڭ باسقارما ءتوراعاسى مىندەتىن اتقاردى. سونىمەن قاتار، قانات قۇدايبەرگەنوۆكە «تاۋ-كەن-سامۇرىق» اق-نىڭ ۇيىمدىق قۇرىلىمىن رەتتەۋ تاپسىرىلدى. ەستەرىڭىزگە سالا كەتەيىك، بۇرىنعى باسقارما ءتوراعاسى ءماجيت تۇرماعامبەتوۆتىڭ كەلىسىم-شارت مەرزىمى اياقتالدى جانە ودان ءارى  ۇزارتىلمادى. 

احمەتجان ەسىموۆ «سامۇرىق-ەنەرگو» اق باسقارما ءتوراعاسىنىڭ ەكونوميكا جانە قارجى جونىندەگى باسقارۋشى ديرەكتورى  ق. ماقسۇتوۆتى قىزمەتىنەن بوساتۋدى، سونىمەن بىرگە «سامۇرىق-ەنەرگو» اق باسقارما ءتوراعاسى ا. ساتقالييەۆكە سوگىس جاريالاۋدى جانە جىلدىق بونۋستارىن الىپ تاستاۋدى بۇيىردى.

كەڭەس بارىسىندا احمەتجان ەسىموۆ «KEGOC» اق قارجى جانە ەسەپكە الۋ جونىندەگى باسقارۋشى ديرەكتورى ا. بوتابەكوۆكە تارتىپتىك جاۋاپكەرشىلىككە تارتۋدى تاپسىردى.

قور باسشىسى IPO ءساتتى شىعۋ ءۇشىن جولاۋشىلار اينالىمى، كىرىس جانە تازا تابىس بويىنشا جوسپارلانعان كورسەتكىشتەرگە قول جەتكىزۋدى، قورجىندىق كومپانيالاردا ترانسفورماسيالاۋ باعدارلاماسى بويىنشا جول كارتالارىن بەكىتۋدى تاپسىردى  .

سونىمەن قاتار جيىندا قور توبىنداعى كومپانيالار قىزمەتى بويىنشا باسقا ماسەلەلەر قاراستىرىلدى.