ءابىل جولامانوۆ مادەنيەت جانە ونەر ىستەرى دەپارتامەنتىنىڭ ديرەكتورى بولىپ تاعايىندالدى، Qamshy.kz اقپارات اگەنتتىگى ق ر مسم باسپا ءسوز قىزمەتىنە سىلتەمە جاساي وتىرىپ.

ق ر مادەنيەت جانە سپورت ءمينيسترىنىڭ بۇيرىعىمەن جولامانوۆ ءابىل تاۋفيك ۇلى قازاقستان رەسپۋبليكاسى مادەنيەت جانە سپورت مينيسترلىگىنىڭ مادەنيەت جانە ونەر ىستەرى دەپارتامەنتىنىڭ ديرەكتورى بولىپ تاعايىندالدى.

ءابىل تاۋفيك ۇلى جولامانوۆ 1970 جىلى دۇنيەگە كەلگەن. 1992 جىلى ءال-فارابي اتىنداعى قازاق ۇلتتىق ۋنيۆەرسيتەتىن تاريحشى ماماندىعى بويىنشا ءتامامداعان. ەڭبەك جولىن 1992 جىلى جىمپيتى ورتا مەكتەبىنىڭ تاريح جانە قازاق ءتىلىنىڭ ءمۇعالىمى، ديرەكتوردىڭ تاربيە ءىسى جونىندەگى ورىنباسارى بولىپ باستادى.

1994-1999 جىلدار ارالىعىندا سىرىم اۋدانى اكىمى اپپاراتىنىڭ جاستار ءىسى، تۋريزم جانە سپورت ءبولىمىنىڭ مەڭگەرۋشىسى قىزمەتىن اتقاردى.

1999-2000 جىلدارى سىرىم اۋدانى اكىمى اپپاراتىنىڭ ۇيىمداستىرۋ جانە كادرلارمەن جۇمىس ءبولىمىنىڭ مەڭگەرۋشىسى بولىپ جۇمىس ىستەدى.

2002-2007 جىلدار ارالىعىندا سىرىم اۋداندىق مادەنيەت ءبولىمىنىڭ مەڭگەرۋشىسى،  2007-2008 جىلدارى سىرىم اۋداندىق ءبىلىم ءبولىمىنىڭ مەڭگەرۋشىسى بولدى.

2008-2014 جىلدار ارالىعىندا وبلىستىق تاريحي-ولكەتانۋ مۇراجايىنىڭ ديرەكتورى بولىپ قىزمەت اتقاردى.

2014 جىلى شىلدە-قاراشا ارالىعىندا «باتىس قازاقستان وبلىسى اكىمدىگى مادەنيەت، مۇراعاتتار جانە قۇجاتتاما باسقارماسىنىڭ وبلىستىق حالىق شىعارماشىلىعى ورتالىعى» مكقق ديرەكتورى بولىپ جۇمىس ىستەدى.  

2015-2017 جىلدار ارالىعىندا اتىراۋ وبلىسى مادەنيەت، مۇراعاتتار جانە قۇجاتتاما باسقارماسىنىڭ باسشى ورىنباسارى، باسقارما باسشىسى قىزمەتتەرىن اتقاردى.

2017-2018 جىلدارى قازاقستان رەسپۋبليكاسى مادەنيەت جانە سپورت مينيسترلىگى مادەنيەت جانە ونەر ىستەرى دەپارتامەنتى ديرەكتورىنىڭ ورىنباسارى قىزمەتتەرىن اتقارعان.

قازاقستان رەسپۋبليكاسى پرەزيدەنتىنىڭ العىس حاتىمەن، مەدالىمەن ماراپاتتالعان.