وبلىستىق مادەنيەت جانە تىلدەردى دامىتۋ باسقارماسىنىڭ ۇيىمداستىرۋىمەن اعىمداعى جىلدىڭ 10-14 مامىر كۇندەرى ارالىعىندا  قازاقستانداعى وزبەكستان رەسپۋبليكاسىنىڭ جىلىنا وراي وزبەك ۇلتتىق اكادەميالىق دراما تەاترىنىڭ وڭتۇستىك قازاقستان وبلىسىندا گاسترولدىك ءىسساپارى باستاۋ الدى. اتالعان جىل اياسىندا وڭىرىمىزگە كەلگەن وزبەكستاندىق ونەر ۇجىمى وڭتۇستىك قازاقستان وبلىستىق ورىس دراما تەاترىندا ەركين حۋشۆاقتوۆتىڭ «كوڭىل» كومەدياسىن ساحنالادى.

قوس ەلدىڭ مادەني بايلانىسىن نىعايتۋعا ارنالعان شارانىڭ اشىلۋ سالتاناتىنا  وڭتۇستىك قازاقستان وبلىسى اكىمىنىڭ ورىنباسارى سادىبەكوۆ ۇلاسبەك سادىبەك ۇلى قاتىسىپ، وبلىس باسشىسى تۇيمەبايەۆ جانسەيىت قانسەيىت ۇلىنىڭ  ارنايى  قۇتتىقتاۋىن جەتكىزىپ، ىزگى نيەتىن ءبىلدىردى.

وسى ورايدا، وزبەك ۇلتتىق اكادەميالىق دراما تەاترىنىڭ ديرەكتورى، وزبەكستان رەسپۋبليكاسىنا قىزمەت كورسەتكەن ءارتىس، «مەحمات-شۋحرات» وردەنىنىڭ يەگەرى ماسۋدوۆ فاتحۋللا حۋسان ۇلى دا كورشى ەلدەر اراسىنداعى بايلانىس پەن مادەني قارىم-قاتىناستىڭ بەرىكتىگىن ءسوز ەتتى.

شاراعا وڭىرىمىزدەگى مادەنيەت جانە ونەر مەكەمەلەرىنىڭ باسشىلارى مەن قىزمەتكەرلەرى، بۇقارالىق اقپارات قۇرالدارى قاتىستى.

ەركين حۋشۆاقتوۆتىڭ «كوڭىل» كومەدياسى 12 مامىر كۇنى ساعات 16:00-دە  سايرام اۋدانى، قارابۇلاق اۋىلدىق مادەنيەت ۇيىندە جالعاسىپ،  13 مامىر كۇنى ساعات 16:00-دە ج.شانين اتىنداعى وبلىستىق اكادەميالىق قازاق دراما تەاترىندا گاسترولدىڭ سالتاناتتى جابىلۋىمەن قورىتىندىلانادى.