شىمكەنتتەگى «بيىك» سپورت كەشەنىندە اۋىر اتلەتيكادان ق ر جەكە كۋبوگى مەن چەمپيوناتى ءوتىپ جاتىر. ەرلەر مەن ايەلدەر اراسىنداعى جارىسقا ەلىمىزدىڭ 14 وبلىسىنان جانە  الماتى، استانا قالالارىنان 132 اتلەت قاتىسۋدا.

ەسكە سالا كەتەيىك، ەلىمىزدىڭ اۋىر اتلەتتەرى قازان ايىنا دەيىن الەمدىك جارىستاردان شەتتەتىلگەن بولاتىن. سوندىقتان، سپورتشىلارىمىز تەك ەل چەمپيوناتتارىندا ونەر كورسەتۋدە. وڭتۇستىكتەگى سايىستا دا سپورتشىلار شامالارىن بايقاپ، مۇمكىندىكتەرىن كوردى. ولاردىڭ قاتارىندا  ريو-دە-جانەيرو قالاسىندا وتكەن وليمپيادا ويىندارىنىڭ جەڭىمپازدارى  كارينا گوريچيەۆا، دەنيس ۋلانوۆ، الەكساندر زايچيكوۆ جانە فارحاد حاركي سەكىلدى ەل ماقتانىشتارى دا بار. جارىستىڭ العاشقى كۇنگى  اينالىمىندا الاڭعا سوڭعى بولىپ شىققان فارحاد حاركي 115 كەلى سالماقتى باعىندىرىپ، جارىستىڭ ۇزدىك  سپورتشىسى اتاندى. سايىپقىران 120 كەلىگە تاپسىرىس بەرىپ ەدى. الايدا، بۇل سالماق سپورتشىعا باعىنبادى.

ايتا كەتەيىك، جارىس 18 مامىر كۇنى ءوز مارەسىنە جەتەدى. ونىڭ جەڭىمپازدارى ارنايى كۋبوكپەن ماراپاتتالاتىن بولادى.