بۇگىندە الماتىدا 80-گە جۋىق ەليتالى پاتەر جالعا بەرىلەدى. ونداي پاتەرلەردە تۇرعىڭىز كەلسە، اي سايىن پاتەر اقىسىنىڭ وزىنە كەمىندە 1 ملن تەڭگە جۇمسايمىز. اركىمنىڭ قالتاسى كوتەرە بەرمەيتىن پرەميۋم-اپارتامەنتتىڭ ەڭ قىمبات بەس ءتۇرىن كرىشا.kz جاريالاعان ەكەن. نازارلارىڭىزعا ۇسىنامىز.

بەسىنشى ورىن. مەدەۋ اۋدانى AFD Plaza تۇرعىن ءۇي كەشەنىندەگى ءتورت بولمەلى پاتەر. تۇرعىن ءۇي كەشەنى 2014 جىلى تۇرعىزىلعان.

پاتەردىڭ جالپى اۋماعى 172 شارشى مەتردى قۇرايدى. اس ءۇي، سانيتارلىق توراپ، بالكون، لودجيا، پاركينگ جانە باقىلاۋ كامەراسى بار پاتەردىڭ قاۋىپسىزدىگى دە جوعارى دەڭگەيدە قامتاماسىز ەتىلگەن.

ال بۇل پاتەردە تۇرعىڭىز كەلسە، اي سايىن 1،5 ملن تولەۋگە مىندەتتىسىز. ءبىر قىزىعى، پاتەر كىشكەنتاي بالالارى بار وتباسىلارعا جالعى بەرىلمەيدى ەكەن.

ءتورتىنشى ورىن. «گورنىي گيگانت» اۋدانىندا ورنالاسقان «ەدەلۆەيس» تۇرعىن ءۇي كەشەنىندەگى ءتورت بولمەلى پاتەر. اۋماعى 322 شارشى مەتردى قۇرايدى.

ءۇي 2012 جىلى سالىنعان. ىشىندە قاجەتتى جيھازدىڭ ءبارى بار. تۇرعىن ءۇي كەشەندەرىنە ءتان مۇندا دا كۇزەت، ۆيدەو باقىلاۋ، ۆيدەو دوموفون،  كودتالعان قۇلىپ پاتەردىڭ قاۋىپسىزدىگىن قامتاماسىز ەتىپ تۇرادى. ال پاتەر ءۇشىن اي سايىن 1 650 000 تەڭگە تولەيسىز.

ءۇشىنشى ورىن. 2015 جىلى سالىنعان Esentai Apartments كەشەنىندەگى بەس بولمەلى پاتەر.

جالپى اۋماعى – 240 شارشى مەترلى پاتەردە تۇرعىڭىز كەلسە، ايىنا 1،7 ملن تەڭگە تولەيسىز.

ەكىنشى ورىن. بوستاندىق اۋدانى «ميراس» ىقشام اۋدانىندا ورنالاسقان «جايلاۋ» تۇرعىن ءۇي كەشەنىندەگى 4 قاباتتى پاتەر.

پاتەردىڭ جالپى اۋماعى – 205 شارشى مەتر. ايىنا 2 ملن تەڭگە تولەپ تۇراسىز.

سونىمەن قاتار، ەكىنشى ورىندا «المالى» تۇرعىن ءۇي كەشەنىندەگى ءۇش بولمەلى پاتەر دە بار. تۇرعىن ءۇي كەشەنى 2013 جىلى سالىندى.

جالپى اۋماعى – 180 شارشى مەتر. مۇندا دا ايىنا 2 ملن تەڭگە تولەپ تۇرا الاسىز.

رەيتينگتىڭ كوشىن باستاپ تۇرعان ەڭ قىمبات پاتەر Esentai Apartments تۇرعىن ءۇي كەشەنىندەگى ەكى قاباتتى پەنتحاۋس. پاتەر 18 قاباتتى ءۇيدىڭ 12 قاباتىندا ورنالاسقان.

جالپى اۋماعى – 540 شارشى مەتر. مۇندا ايىنا 4،2 ملن تەڭگە تولەپ تۇرا الاسىز.

ەليتالى پاتەرلەردىڭ كوبى قالانىڭ تاۋ جاق بولىگىندە – مەدەۋ جانە بوستاندىق اۋداندارىندا ورنالاسقان. جالپى اۋماعى كەمىندە 150 شارشى مەتردى قۇرايدى. ال پاتەرلەردىڭ ەڭ ەسكىسى 2009 جىلى سالىنعان.