وڭتۇستىك قازاقستان وبلىستىق «قازاقستان حالقى اسسامبلەياسى» عيماراتىنىڭ الدىندا شىمكەنتتەگى حيميا-بيولوگيا باعىتىنداعى نازاربايەۆ زياتكەرلىك مەكتەبىنىڭ وقۋشىلارى فلەشموب ۇيىمداستىردى. شاراعا قاتىسقان 500-دەي جاس بەيبىتشىلىك پەن جالپىۇلتتىق بىرلىكتىڭ قازاقستاندىق ۇلگىسىن ءتۇرلى قيمىل-قوزعالىستار ارقىلى دارىپتەدى.

مەرەكەلىك شارادا جاس دومبىراشىلار ءبىر مەزەتتە  «سارىارقا» كۇيىن ورىنداپ، «قازاق باتىرلارى» ءبيىن بيلەيدى. ءار ەتنوستىڭ ءبيى قامتىلعان پاپۋري كورەرمەندەرگە كوتەرىڭكى كوڭىل-كۇي سىيلادى.  سالتاناتتى جيىندا  وبلىستىق «قوعامدىق كەلىسىم» كمم باسشىسى ەربول بايقوناقوۆ پەن  شىمكەنت قالاسى حيميا-بيولوگيا باعىتىنداعى نازاربايەۆ زياتكەرلىك مەكتەبىنىڭ ديرەكتورى بالقان قاسىموۆ قۇتتىقتاۋ ءسوز سويلەپ، قازاقستان حالقىنىڭ بىرلىگى كۇنى مەرەكەسىنىڭ ماڭىزىنا كەڭىنەن توقتالادى. ودان كەيىن فلەشموبقا قاتىسۋشى جاستار ەلىمىزدەگى تاتۋلىقتىڭ نىشانى رەتىندە كوككە شار ۇشىردى.

ايتا كەتۋ كەرەك، ىنتىماعىن - ىرىسقا، بىرلىگىن - بەرەكەگە تەڭەگەن وڭتۇستىك وڭىرىندە 20 ەتنومادەني بىرلەستىك پەن ولاردىڭ 51 اۋداندىق، قالالىق فيليالى جۇمىس ىستەيدى. ۇلىستىڭ ۇيىتقىسىنا بالانعان وڭتۇستىك قازاقستان وبلىسىندا جۇزدەن استام ەتنوس وكىلدەرى جاراستى عۇمىر كەشىپ، ورتاق شاڭىراعىمىزدى كوركەيتۋگە ۇلەس قوسىپ كەلەدى.