ىزدەۋدە جۇرگەن 82 لاۋىزىمدى تۇلعا مەملەكەتكە 1،1 ترلن تەڭگە كولەمىندە شىعىن اكەلگەن. بۇل تۋرالى بۇگىن ينتەرنەت-كونفەرەنسيا بارىسىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اليك شپەكبايەۆ حابارلادى.

«قازىرگى كەزدە جەمقورلىقپەن كۇرەس ۇلتتىق بيۋروسى 82 لاۋىزىمدى تۇلعاعا ىزدەۋ جاريالاعان، ولاردىڭ ۇشتەن ءبىر بولىگى شەتەلدە. ولار قىزمەتتىك وكىلەتىن اسىرا پايدالانعانۋ، پارا الۋ، ۇيىمداسقان قىلمىستىق قاۋىمداستىق قۇرۋ، قارجى جىمقىرۋ جانە ءىزىن جاسىرۋ ىستەرى بويىنشا ىزدەستىرىلۋدە. ولار مەملەكەتكە جالپى سوماسى 1،1 ترلن تەڭگە كولەمدە شىعىن اكەلگەن»، - دەدى اگەنتتىك باسشىسى اليك شپەكبايەۆ.

اگەنتتىك باسشىسىنىڭ ايتۋىنشا، 2017 جىلى 38 ادام ۇستالعان، ونىڭ 12ء-سى شەتەلدە ۇستالعان. ولاردىڭ تورتەۋى ۆەنگريا، تۇركيا، رەسەيدەن قازاقستانعا ەكستراديسيالانعان. قازىرگى كەزدە 8 ادام ەكستراديسيالاۋ الدىندا تۇر.

«2017 جىلى ەكى مىڭ جەمقورلىققا قاتىستى زاڭبۇزۋ ىستەرى تىركەلدى. 108 جۇيەلى جەمقورلىق فاكتىسى جانە بەس ۇيىمداسقان قىلمىستىق توپتىڭ ارەكەتى اشىلدى»، - دەدى اليك شپەكبايەۆ.

2017-2018 جىلدارى سوتقا باعىتتالعان جەمقورلىققا قاتىستى قىلمىستىق ىستەر بويىنشا جەتى ادام اقتالىپ شىققان.