الەمدىك دەڭگەيدە كۇشتەردى بىركتىرۋ ماقساتىندا ەلباسى بۇۇ باس اسسامبلەياسىنىڭ 66-سەسسياسىندا «جاسىل كوپىر» باستاماسىن كوتەرگەنى ەسىمىزدە. ونىڭ باستى ميسسياسى جاسىل دامۋدى باسقارۋ، xالىقارالىق ىقپالداستىق، تەxنولوگيا الماسۋعا كومەكتەسۋ تەتىكتەرىن جاساقتاۋ جانە قارجىلىق قولداۋ جاساۋ. سونداي-اق ەلباسى بىرىككەن ۇلتتار ۇيىمى باس اسسامبلەياسىنىڭ 70-سەسسياسىنداعى جالپى دەباتتاردا سويلەگەن سوزىندە استانادا بۇۇ باستاماسىمەن «جاسىل» تەحنولوگيالار مەن ينۆەستيسيالىق جوبالاردى دامىتۋ بويىنشا حالىقارالىق ورتالىق اشۋدى ۇسىنعان بولاتىن.
2018 جىلعى 17 مامىردا Global Challenges Summit XI استانا ەكونوميكالىق فورۋمى الاڭىندا ق ر پرەمەر-مينيسترى ب. ساعىنتايەۆ، ق ر ەنەرگەتيكا ءمينيسترى ق. بوزىمبايەۆ، قازاقستاننىڭ ەكولوگيالىق ۇيىمدارى قاۋىمداستىعى پرەزيديۋمىنىڭ ءتورايىمى ءا. نازاربايەۆا، جاسىل ءوسىم جاھاندىق ينستيتۋتىنىڭ ءتوراعاسى پان گي مۋن جانە تاعى باسقالاردىڭ قاتىسۋىمەن «جاسىل ەكونوميكا: تۇراقتى دامۋدىڭ جاڭا مودەلى» پانەلدىك وتىرىسى ءوتتى.
وتىرىس بارىسىندا مەملەكەت باسشىسى ن.ءا. نازاربايەۆتىڭ باستاماشىلىعىمەن قۇرىلعان حالىقارالىق جاسىل تەحنولوگيالار جانە ينۆەستيسيالىق جوبالار ورتالىعى ىسكە قوسىلدى جانە ونىڭ قىزمەتى تانىستىرىلدى. ورتالىق ەكسپو-2017 مۇراسىنىڭ يدەولوگيالىق جالعاسى بولادى.
ورتالىقتىڭ نەگىزگى فۋنكسياسى – «جاسىل» مادەنيەتتى قالىپتاستىرۋ جانە الدىمەن قازاقستاندا سودان سوڭ ورتالىق-ازيا ءوڭىرى ەلدەرىندە جاسىل تەحنولوگيالاردى دامىتۋ ارقىلى ەكولوگيالىق پروبلەمالاردى شەشۋ. ورتالىق ەنەرگەتيكالىق سەكتوردى ترانسفورماسيالاۋ، «جاسىل» بيزنەسكە كوشۋ، ترانسفەرت جانە جاسىل تەحنولوگيالار مەن ۇزدىك تاجىريبەلەردى بەيىمدەۋ مىندەتتەرىن اتقارۋعا ارنالعان.
«جاسىل ەكونوميكاعا» كوشۋ تۇجىرىمداماسىن ىسكە اسىرۋ جىلدارىندا رەسۋرستاردى ۇنەمدەيتىن، تازا تەحنولوگيالاردى پايدالانۋ قالالاردا ورتالىقتاندىرىلعان سۋمەن جابدىقتاۋعا قولجەتىمدىلىكتى 94 پايىزعا جانە اۋىلدىق جەرلەردە 57 پايىزعا جاقسارتۋعا مۇمكىندىك بەرەدى؛ اۋىل شارۋاشىلىعىنداعى ەڭبەك ونىمدىلىگى ەكى ەسە وسەدى؛ قازىرگى زامانعا لايىقتى ەنەرگيا ۇنەمدەۋ جۇيەسىنىڭ نەگىزى قۇرىلادى؛ اعىمداعى جىلدىڭ سوڭىنا قاراي جاڭارتىلاتىن ەنەرگيا كوزدەرىنىڭ قۋاتى شامامەن 460 مۆت بولادى دەپ كۇتىلۋدە؛ قولدانىستاعى كومىر ەلەكتر ستانسيالارىندا زاماناۋي كۇلدى وڭدەۋ قۇرىلعىلارىن ەنگىزۋ جۇمىستارى جالعاسادى؛ قالدىقتاردى وڭدەۋ جانە قايتا وڭدەۋ 31 پايىزعا جەتتى.
ەىدۇ-مەن ىنتىماقتاستىق – قازاقستان ءۇشىن ستراتەگيالىق باسىمدىقتارىنىڭ ءبىرى. حالىقارالىق شارتتارعا جانە قۇقىقتىق قۇرالدارعا قوسىلۋ قازاقستانعا بەلگىلى مىندەتتەمەلەر جۇكتەيدى. وسى ماقساتتا ەكولوگيالىق زاڭنامانى جەتىلدىرۋ بويىنشا جۇمىس باستالدى. ول ەىدۇ-عا مۇشە مەملەكەتتەر قاعيداتتارىنىڭ نەگىزىندە جاسالاتىن بولادى: قورشاعان ورتاعا اسەردى باعالاۋدىڭ قولدانىستاعى جۇيەسى قايتا قاراستىرالاتىن بولادى، ۇزدىك قولجەتىمدى تەحنولوگيالاردى پايدالانۋ نەگىزىندە ەميسسيالاردى تومەندەتۋگە تابيعات پايدالانۋشىلاردى ىنتالاندىرۋ بويىنشا مەحانيزمدەردى ەنگىزۋ، شىعارىندىلاردى نورمالاۋ قاعيداتتارى جەتىلدىرىلەدى.
پاريج كەلىسىمى شەڭبەرىندە قويىلعان ماقساتتارعا قول جەتكىزۋ پارنيكتىك گازداردىڭ شىعارىندىلارىنىڭ كولەمىن ازايتۋمەن قاتار جاڭارتىلاتىن ەنەرگيا كوزدەرىن دامىتۋدى كوزدەيدى. وسى ماقساتتا قازاقستاندىق زاڭناماعا جانە جەك-تى دامىتۋ ءۇشىن ونى جەتىلدىرۋ مۇمكىندىكتەرىنە تالداۋ جاسالدى، قازاقستاننىڭ كۇن رەسۋرستارى اتلاسى ازىرلەندى جانە پايدالانۋعا بەرىلدى.
2018 جىلعى 23 مامىردا جەك-تى سالۋ بويىنشا جوبالاردى ىرىكتەۋدىڭ ءبىرىنشى اۋكسيوندىق ساۋداسى وتەدى. اۋكسيونداردىڭ ەكى سەسسياسى ىشىندە (كوكتەمدەگى جانە كۇزدەگى) قۋاتى 1 گۆت جەك ۇسىنىلاتىن بولادى. اۋكسيوننىڭ جەڭىمپازدارى جەك-تىڭ ءبىرىڭعاي ساتىپ الۋشىسى – قارجى-ەسەپ ايىرىسۋ ورتالىعىمەن ەلەكتر ەنەرگياسىن ساتىپ الۋعا 15-جىلدىق كەپىلدى وفف-تەيك كەلىسىمشارتقا قول قويۋ مۇمكىندىگىنە يە بولادى.
قازاقستان حالىقارالىق قارجى ينستيتۋتتارىمەن ىنتىماقتاستىققا ۇلكەن ءمان بەرەتىندىگىن ەرەكشە اتاپ وتكەن ماڭىزدى. دۇنيەجۇزىلىك بانكپەن، ەۋروپا قايتا قۇرۋ جانە دامۋ بانكىمەن، ازيا دامۋ بانكىمەن جۇمىس جۇرگىزىلۋدە. بۇگىن قول قويۋ جوسپارلانعان «قىزىلوردا وبلىسىندا قۋاتى 50 مۆت بايقوڭىر كۇن ەلەكتر ستانسياسىن سالۋ» جوباسىن قولداۋ جانە ىنتىماقتاستىق تۋرالى كەلىسىمگە جانە ق ر ەنەرگەتيكا مينيسترلىگى، استانا قالاسىنىڭ اكىمدىگى، «شەلل كازاحستان ب.ۆ.» كومپانياسى جانە «نازاربايەۆ زياتكەرلىك مەكتەپتەرى» دبۇ اراسىنداعى مەموراندۋم تاراپتاردىڭ جاسىل ەكونوميكانى دامىتۋعا ۇستانىمدارىن كورسەتەدى.
