وڭتۇستىك قازاقستان وبلىسىندا جەڭىستىڭ 73 جىلدىق  مەرەكەسىندە 174 سوعىس ارداگەرگە ەرەكشە قۇرمەت كورسەتىلدى. مايدانگەرلەرگە وبلىس اكىمىنىڭ قۇتتىقتاۋ حاتى جولدانىپ، سىي-سياپات كورسەتىلدى.

ايماقتاعى بارلىق سوعىس ارداگەرلەرىنە الەۋمەتتىك قولداۋ كورسەتۋ بويىنشا  100 ايلىق ەسەپتىك كورسەتكىش، ياعني، 240 500 تەڭگە كولەمىندە اقشا بەرىلدى. ال تىل ەڭبەككەرلەرىنە 12025 تەڭگە كولەمىندە ءبىر رەتتىك ماتەريالدىق كومەك تولەندى.

ايتا كەتەيىك، وبلىستان ەكىنشى دۇنيەجۇزىلىك سوعىسقا 140 مىڭنان استام ازامات اتتانىپ، ونىڭ 70 مىڭى ەلگە ورالدى. جانقيارلىق ەرلىگى ءۇشىن وڭتۇستىكقازاقستاندىق 51 ازاماتقا كەڭەس وداعىنىڭ باتىرى اتاعى بەرىلسە، 8 مايدانگەر «داڭق» وردەنىنىڭ يەگەرى، 1 ء-ى حالىق قاھارمانى  اتاندى.

جالپى، وڭىردە سوعىس ارداگەرلەرىنەن بولەك  15733 تىل ەڭبەككەرىنە جانە 4885 ەكىنشى دۇنيەجۇزىلىك سوعىسىنا قاتىسۋشىلار مەن مۇگەدەكتەرگە تەڭەستىرىلگەندەرگە قۇرمەت كورسەتىلۋدە.