شىمكەنت قالاسىنداعى 1 ءورت ءسوندىرۋ ءبولىمىنىڭ قىزمەتكەرلەرى جەڭىس كۇنى قارساڭىندا ازاماتتىق قورعاۋ ورگاندارىنداعى ەكىنشى دۇنيەجۇزىلىك  سوعىستىڭ سوڭعى ارداگەرى ۆاسيليي مۋحاچيەۆتىڭ ۇيىنە بارىپ، شارۋالارىنا كومەكتەستى.

ءورت سوندىرۋشىلەر مايدانگەردىڭ سارايىنىڭ شاتىرىن جوندەپ، جاڭاسىنا  اۋىستىرىپ بەردى. سونداي-اق، قورانىڭ  ىشكى جاعىنداعى اعاش بورەنەلەردى جاڭارتتى. وسىلايشا ءورت سوندىرۋشىلەر مەن قۇتقارۋشىلار ونى مەرەكە قارساڭىندا قۋانتىپ قويدى.

ايتا كەتەيىك، سوعىس ارداگەرى  بيىل 96 جاسقا تولعانىنا قاراماستان ءوزىن تىك ۇستايدى، ەرەكشە كوتەرىڭكى كوڭىل كۇيدە جۇرەدى. تاياق سۇيەنسە دە، ءتۇرلى ءىس-شارالارعا قاتىسىپ تۇرادى. جەڭىس كۇنىنە وراي كەلگەن ءورت سوندىرۋشىلەردى ول قۋانا قارسى الىپ، سوناۋ سۇراپىل كۇندەرىندەگى ءوز ەستەلىكتەرىمەن ءبولىستى. ءبىر قىزىعى، ەل اعاسى ۇرىس جىلدارىندا باسىنان وتكەرگەندەرىن ەسىنە جاقسى ساقتاعان.

«تاڭقالارلىعى، اي نەمەسە جىل بۇرىن بولعاندى ۇمىتىپ قالۋىم مۇمكىن، ءبىراق سوعىس جىلدارى ەسىمدە. ستالينگرادتى ازات ەتۋ ۇرىسىنا قاتىسىپ، ماسكەۋ تۇبىندەگى شايقاستا دا نەمىس اسكەرىمەن بەتپە-بەت كەلدىم. مەن ءۇشىن ەكىنشى دۇنيەجۇزىلىك سوعىسى 6 جىلعا سوزىلىپ، 1946 جىلدىڭ جەلتوقسان ايىندا عانا ەلگە ورالدىم. كەلگەن بويدا شىمكەنت قالاسىندا ورتكە قارسى قىزمەتتە جۇمىس ىستەدىم. مايور شەنىنە دەيىن كوتەرىلىپ، زەينەتكە شىقتىم. ءبىر قىز، ەكى ۇل تاربيەلەپ ءوسىردىم، ءقازىر نەمەرەم بار. بارلىعىنا سانالى تاربيە مەن ءبىلىم بەرىپ، ازامات قاتارىنا قوستىم»،- دەيدى ۆاسيليي مۋحاچيەۆ اقساقال.