شىعىس قازاقستان وبلىسى قاتونقاراعاي اۋىلىنىڭ تۇرعىنى 78 جاستاعى الەكساندر فوميچيەۆ 31 ناۋرىزدا ۇيىنەن شىعىپ كەتىپ، سول كۇيى ورالماعان.
جەرگىلىكتى altaynews.kz سايتىنىڭ دەرەگىنشە، قارت ادامنىڭ ءولى دەنەسى ورماننان تابىلعان.
الەكساندر فوميچيەۆ 31 ناۋرىزدا 26 شاقىرىم جەردە ورنالاسقان ومارتاسىن كورىپ كەلەمىن دەپ ۇيىنەن شىعىپ كەتكەن. ءبىراق 1 ءساۋىر كۇنى ونىڭ سول بويى ومارتاعا جەتپەگەنى انىقتالادى.
بەسىنشى ساۋىردەن باستالعان ىزدەۋ جۇمىستارىنا زەينەتكەردىڭ تۋىستارىمەن قاتار جەرگىلىكتى پوليسيا مەن تج بويىنشا دەپارتامەنتتىڭ وكىلدەرى دە قاتىستى. ءبىراق ول ۇزاق ۋاقىت ەش ناتيجە بەرمەدى.
تەك 12 مامىردا عانا فوميچيەۆتىڭ دەنەسىن ورمان جيەگىنەن پوليسيا كاپيتانى داۋرەن اپيجانوۆ تاۋىپ الادى. ساراپتاما قورىتىندىسى كورسەتكەندەي، قارت ادام دالادا ءۇسىپ قالعان ەكەن. ول جولعا شىققان كۇنى اۋا-رايى ايازداتىپ تۇرعان دەسەدى.
