كۋبا بيلىگى Boeing-737 ۇشاعىنىڭ قۇلاۋىنا بايلانىستى ۇلتتىق ازا تۇتۋ كۇنىن جاريالادى. بۇل تۋرالى شەتەلدىك ب ا ق حابارلادى.
«جۇما كۇنگى ۇشاق اپاتىنا بايلانىستى كۋبا مەملەكەتتىك كەڭەسى 19 مامىر 06:00-دەن 21 مامىر 00:00-گە دەيىن رەسمي ازا تۇتۋ كۇنىن جاريالايدى»، - دەلىنگەن كۋبا بيلىگى تاراتقان حابارلامادا. ازا تۇتۋ كۇنىنە بايلانىستى ەلدەگى مەملەكەتتىك تۋلار تومەن تۇسىرىلەدى.
ايتا كەتەيىك، 18 مامىردا گاۆانا اۋەجايىنان ەلدىڭ شىعىسىنداعى ولگين قالاسىنا ۇشىپ شىققان كۋبا مەملەكەتتىك اۋە كومپانياسىنىڭ Boeing 737 ۇشاعى اۋەگە كوتەرىلە سالىسىمەن كوپ ۇزاماي جەرگە قۇلاعان. كەي دەرەكتەرگە سۇيەنسەك، جولاۋشىلار ۇشاعىندا بولعان جۇزدەن استام ادامنىڭ ۇشەۋى ءتىرى قالعان.
AFP اگەنتتىگى جولاۋشىلار ۇشاعىندا 104 جولاۋشى بولعان دەپ حابارلادى. كەلەسى ءبىر باسىلىمدا ۇشاقتا 107 جولاۋشى بولدى دەگەن اقپارات تارادى. الايدا ناقتى سانى ازىرگە بەلگىسىز. ۇشاق 1979 جىلى قۇرىلعان.
