استانا ەكونوميكالىق فورۋمىندا قول قويىلعان جول كارتالارى مەن مەموراندۋمداردى ىسكە اسىرۋ شەڭبەرىندە يتالياندىق «Cremonini Group» كومپانياسى قازىرگى زامانعى «KAZAKH-BEEF» زاۋىتىنىڭ قۇرىلىسىن باستادى.

ەت كومبيناتىنىڭ كۇندەلىكتى قۋاتتىلىعى 700 باس مالدى سويۋعا ارنالىپ، ەتتى وڭدەۋ، دايىن ەت ونىمدەرىن ءوندىرۋ جانە ءمۇيىز، تۇياق، تەرىسىن قايتا وڭدەۋدىڭ تولىق تەحنولوگيالىق سيكلىن جۇزەگە اسىراتىن بولادى. جوبانىڭ جالپى قۇنى 15 ملرد تەڭگەگە جۋىق.

اتالعان جوبانى ىسكە اسىرۋ ماقساتىندا الماتى وبلىسى اكىمدىگىمەن جالپى كولەمى 60 گەكتاردى قۇرايتىن جەر تەلىمىن بەرىلدى.

وسى وڭىردە زاۋىت قۇرىلىسىنىڭ سالىنۋى قولايلى كليماتتىق جاعدايلاردىڭ نەگىزىندە، سونداي-اق ءىرى قارا مال ەتىنىڭ ونىمدىلىك باعىتىنا بايلانىستى تاڭداپ الىندى (بارلىق ەتتى باعىتتاعى ءىقم باسىنىڭ 16% قۇرايدى).

بورداقىلاۋ الاڭىنىڭ مالدى سويعانعا دەيىنگى كولەمى ءبىر ۋاقىتتا 10 مىڭ باس مال بولسا، ەت كومبيناتىنىڭ قۋاتى: جىلىنا 25 مىڭ توننا سيىر ەتى. اتالعان كاسىپورىن ونىمدەرىنىڭ 70% قحر مەن رەسەي سياقتى ءىرى ەلدەردىڭ نارىعىنا شىعارىلادى.

قازىرگى ۋاقىتتا وبلىستىڭ شارۋا قوجالىقتارى مەن بورداقىلاۋ الاڭدارى ەت كومبيناتتارىن قاجەتتى ونىممەن قامتاماسىز ەتۋگە دايىن.

قولايلى ينۆەستيسيالىق كليماتتى قۇرۋ ەلىمىزدىڭ اگرارلىق سەكتورىنىڭ ينۆەستيسيالىق تارتىمدىلىعىن ارتتىرۋعا ىقپال ەتتى. 2017 جىلى مال شارۋاشىلىعى سالاسىنا سالىنعان ينۆەستيسيالاردىڭ كولەمى 154،1 ملرد. تەڭگەنى قۇرادى، بۇل 2016 جىلعا قاراعاندا 6،9% ارتىق.

قازىرگى ۋاقىتتا «100 ناقتى قادام» ۇلت جوسپارىن ورىنداۋ جانە مال شارۋاشىلىعى ونىمدەرىن قايتا وڭدەۋ بويىنشا «Lactalis»، Cedar Meats Australia، «Golden Camel Group»، «CITIC» سياقتى الەمدىك ءىرى كومپانيالار تارتىلۋدا.

انىقتاما: «Cremonini Group» ەۋروپاداعى ەڭ ماڭىزدى ازىق-تۇلىك وندىرىسىمەن اينالىساتىن توپتاردىڭ ءبىرى بولىپ تابىلادى جانە ءۇش بيزنەس باعىتتا جۇمىس جاسايدى: ءوندىرىس، تاراتۋ جانە تاماقتاندىرۋمەن اينالىسادى. اتالعان كومپانيا ءىرى قارا مال ەتى مەن ەت ونىمدەرىن («ينالكا دجيبيەس» جانە «مونتانا»)، سونداي-اق ازىق-تۇلىك ونىمدەرىن قوعامدىق تاماقتاندىرۋ كومپانيالارىنا («MAرP») تاراتۋدى ۇيىمداستىرۋ بويىنشا كوشباسشى بولىپ تابىلادى. توپ پوەزداردا، ۆوكزالداردا، اەروپورتتار مەن اۆتوموبيل جولدارىندا ورنالاسقان قوعامدىق تاماقتانۋ جەلىسىندە كونسەسسياعا يە. كومپانيا «Steakhouse» (Roadhouse Grill) جەلىسى بار قوعامدىق تاماقتاندىرۋ وبەكتىلەرىنىڭ قاتارىنا كىرەدى.

ءوندىرىس سالاسىندا حالىقارالىق قىزمەت كورسەتۋ ەۋروپا، رەسەي جانە افريكالىق ەلدەردە (انگولا، كونگو دەموركراتيالىق رەسپۋبليكاسى، كونگو رەسپۋبليكاسى، الجير، نيگەريا) جۇزەگە اسىرىلادى. بورتتىق پويىزداردا قوعامدىق تاماقتاندىرۋدى ۇيىمداستىرۋدا كومپانيا فرانسيا، يسپانيا، ۇلىبريتانيا جانە بەلگياداعى فيليالدارىمەن بىرگە ەۋروپاداعى ءابسوليۋتتى كوشباسشى بولىپ تابىلادى.