قىزىلوردا قالاسىندا 16 مامىردا باستالعان ق ر ەڭبەك سىڭىرگەن قايراتكەرى، انشى-كومپوزيتور باتىرحان شوكەنوۆ اتىنداعى "وتان-انا" ءىى رەسپۋبليكالىق ورىنداۋشىلار بايقاۋى اياقتالدى، دەپ حابارلايدى Qamshy.kz اقپارات اگەنتتىگى.
بۇل شارا استانا قالاسىنىڭ 20 جىلدىعى مەن قىزىلوردانىڭ 200 جىلدىعىنا تۇسپا-تۇس كەلiپ وتىر. رەسپۋبليكالىق بايقاۋعا 18-30 جاس ارالىعىنداعى انشىلەر ءوتiنiش جiبەردi. ال قاتىسۋشىلاردىڭ ونەر كورسەتۋ رەتتىلىگى الدىن-الا جەرەبە تاڭداۋ ارقىلى انىقتالدى. بايقاۋدا انشىلەرگە مينۋسوۆكادا بەك-ۆوكالدى قولدانۋعا رۇقسات ەتiلمەدi.
بيىل ءان سايىسىنا ەلىمىزدىڭ بارلىق قالالارىنان جانە وزبەكستاننان 25 ورىنداۋشى قاتىسىپ، باعىن سىنادى.
ونەرپازداردىڭ تالانتىنا ق ر ەڭبەك سىڭىرگەن قايراتكەرى ەرجان ءابدراحمانوۆ، ءانشى ديلناز احمادييەۆا، كومپوزيتور رينات گايسين، ەركەش شاكەيەۆ، باتىرحان شوكەنوۆ اتىنداعى قوردىڭ ديرەكتورى بولعان ولجاس بايقانوۆتار باعا بەردى.
بايقاۋ قورىتىندىسى بويىنشا، باس جۇلدەنى وڭتۇستىك قازاقستان وبلىسىنان كەلگەن ەرىك تولەنوۆ الدى. ءبىرىنشى ورىندى قاراعاندىلىق گۇلنار كوشەنوۆا، ەكىنشى ورىندى باتىس قازاقستان وبلىسى اتىنان قاتىسقان ايىمبەك سارتۋكوۆ جانە ءۇشىنشى ورىندى قىزىلوردالىق ينديرا بايىمبەتوۆا مەن استانالىق كۇلايىم قايىربايەۆالار يەلەندى. سونىمەن قاتار، شوكەنوۆتەر وتباسىنىڭ ارنايى جۇلدەسىمەن الماتىلىق سىرىمتاي ەڭسەپوۆ، قالا اكىمىنىڭ ارنايى جۇلدەسىمەن اقتوبەلىك نۇرتاس وماروۆ جانە قىزىلوردالىق ءتۇرعانالى شاراپوۆ ماراپاتتالدى. ال قىزىلوردا وبلىسىنىڭ مادەنيەت، ارحيۆتەر جانە قۇجاتتاما باسقارماسىنىڭ ارنايى جۇلدەسى ارايلىم ماحانبەتجانوۆاعا بەرىلدى.
18 مامىر – باتىرحان شوكەنوۆتىڭ تۋعان كۇنى. وسىعان وراي ءانشىنىڭ تۋعان جەرىندە ونىڭ ەسكەرتكىشى قويىلدى. بۇل باستامانى 2016 جىلى وبلىستىق جاستار ساياساتى ماسەلەلەرى باسقاراماسى كوتەرگەن بولاتىن. ال 2017 جىلى ارنايى وبلىستىق كوميسسيا بۇل ۇسىنىستى ق ر مادەنيەت جانە سپورت مينيسترلىگىنە جىبەردى. ەسكەرتكىشتىڭ ەسكيزدىك جوبالارىن تاڭداۋ وبلىستىق «سىر بويى» گازەت باسىلىمى مەن الەۋمەتتىك جەلىلەر ارقىلى جۇرگىزىلدى. كونكۋرسقا جالپى سانى 13 ەسكيزدىك جوبا كەلىپ تۇسكەن. سولاردىڭ اراسىنان 2017 جىلعى 7 ساۋىردەگى مەملەكەتتىك كوميسسيانىڭ شەشىمىمەن ءمۇسىنشى مۇرات مانسۇروۆتىڭ جوباسى ۇزدىك دەپ تانىلدى. ەسكەرتكىشتىڭ جالپى بيىكتىگى – 3،6 مەتر، ال ءمۇسىننىڭ بيىكتىگى – 2،2 م (2ن.ۆ) قولادان جاسالعان، تۇعىرىنىڭ بيىكتىگى – 1،6 م.
سونىمەن قاتار، كونكۋرسانتتار باتىرحان شوكەنوۆ ەسكەرتكىشىنىڭ اشىلۋىنا قاتىسىپ، ەسكەرتكىش ماڭىنا تال ەكتى. كەشكە قىزىلوردا قالاسىنىڭ ورتالىق الاڭىندا كونكۋرس جەڭىمپازدارى مەن قازاقستاندىق ەسترادا جۇلدىزدارىنىڭ قاتىسۋىمەن گالا-كونسەرت وتەدى.
بايقاۋدى ۇيىمداستىرعان قىزىلوردا وبلىسى مادەنيەت، ارحيۆتەر جانە قۇجاتتاما باسقارماسى جانە «تاڭداۋ» پروديۋسەرلىك ورتالىعى.
ايتا كەتەيىك، باتىرحان شوكەنوۆتى ەسكە الۋعا ارنالعان «وتان انا» كونكۋرسى بيىل ەكىنشى رەت ءوتتى. ال بايقاۋ تۇڭعىش رەت 2016 جىلى ۇيىمداستىرىلعان ەدى. ول كەزدە باعىن سىناۋعا بارلىعى 200-دەن اسا ادام ءوتىنىش ءبىلدىرىپ، ونىڭ 26-سى ىرىكتەلىپ الىنعان بولاتىن. بايقاۋعا قازاقستاننىڭ حالىق ءارتىسى، مەملەكەتتىك سىيلىقتىڭ لاۋەراتى روزا رىمبايەۆا، كومپوزيتور-مۋزىكانت، بۇكىلوداقتىق ەسترادا ارتىستەرى كونكۋرسىنىڭ لاۋرەاتى ياكوۆ حان، كومپوزيتور، قازاقستاننىڭ ەڭبەك سىڭىرگەن قايراتكەرى رامازان تايمانوۆ، ءانشى، قازاقستاننىڭ ەڭبەك سىڭىرگەن قايراتكەرى ءمادينا ءسادۋاقاسوۆا سەكىلدى ونەر يەلەرى قازىلىق ەتتى. بايقاۋدىڭ باس جۇلدەسىن قاراعاندىلىق ەربول تاجييەۆ، ال ءبىرىنشى ورىندى استانالىق داۋرەن ورازبەكوۆ پەن قاراعاندىلىق الىبەك شاكەنوۆ الدى. بايقاۋدىڭ ەكىنشى ورنىن باتىس قازاقستان وبلىسىنىڭ ونەرپازى سۇلتان قايىرساپييەۆ پەن قىزىلوردالىق ەرلان بايبازاروۆ يەلەندى. ءۇشىن ورىن اتىراۋلىق دينارا حايرۋللينا مەن شىعىس قازاقستاندىق جانەركە قاباتايەۆا جانە قىزىلوردا ازاماتى دارحان قاماتايەۆتارعا بۇيىردى.
