تۇلكىباس اۋدانىنداعى «اق شاتىر» دەمالىس ورتالىعىندا وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ مادەنيەت جانە ونەر قىزمەتكەرلەرىمەن كەزدەستى، دەپ حابارلايدى Qamshy.kz اقپارات اگەنتتىگى وقو اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.
مادەنيەت جانە ونەر قىزمەتكەرلەرى كۇنىنە وراي ۇيىمداستىرىلعان باسقوسۋدا وبلىس اكىمى ونەر ازاماتتارىن كاسىبي مەرەكەمەن قۇتتىقتاپ، وبلىستىڭ رۋحاني دامۋى مەن مادەني گۇلدەنۋىنە ايتۋلى ۇلەس قوسىپ جۇرگەن ازاماتتارعا العىسىن ءبىلدىردى.
«ەلباسىمىز نۇرسۇلتان ءابىش ۇلى نازاربايەۆ تاۋەلسىز ەلىمىزدە مادەنيەتتىڭ، ۇلتتىق ونەرىمىز بەن سالت-داستۇرلەرىمىزدىڭ وسىپ-وركەندەۋىنە، وتكەنىن جاڭعىرتا وتىرىپ جاڭاشا باعىتتا جۇمىس جاساۋعا ەرەكشە ءمان بەرىپ، ۇنەمى نازاردا ۇستاپ كەلە جاتقانى بارشامىزعا ايان. ەلىمىزدىڭ بولاشاعى جەكە تۇلعانىڭ مادەنيەتتىلىگىنە بايلانىستى. جەكە تۇلعا مەن قوعامنىڭ ساياسي، ەڭبەك، قارىم-قاتىناس مادەنيەتىن قالىپتاستىراتىن ارنايى مەكەمەلەر مەن الەۋمەتتىك ورتا. سول مەكەمەلەردىڭ ءبىرى مادەنيەت وشاقتارى بولسا، ادامدى رۋحاني ازىققا بولەيتىن مادەنيەت پەن ونەر قىزمەتكەرلەرى»،-ايتتى ج.تۇيمەبايەۆ.
«مادەني قىزمەت –مەرەيلى مىندەت» تاقىرىبىندا وتكەن مەرەكەلىك كەشتە وبلىس مادەنيەتىنىڭ دامۋىنا سۇبەلى ۇلەس قوسقان 49 ونەر قىزمەتكەرلەرى «وبلىسقا سىڭىرگەن ەڭبەگى ءۇشىن» مەدالىمەن، وبلىس اكىمىنىڭ قۇرمەت گراموتاسىمەن جانە العىس حاتىمەن، وبلىس اكىمىنىڭ ارنايى سىيلىعى، وبلىستىق ءماسليحات گراموتاسى، «نۇر وتان» وقوف پارتياسىنىڭ العىس حاتىمەن ماراپاتتالدى.
بۇدان بولەك، شارا بارىسىندا جازۋشى، قازاقستاننىڭ ەڭبەك سىڭىرگەن قايراتكەرى مارحابات بايعۇت، قازاقستاننىڭ ەڭبەك سىڭىرگەن ءارتىسى، جۇمات شانين اتىنداعى اكادەميالىق قازاق دراما تەاترىنىڭ ءارتىسى ساپارباي وتەمىس ۇلى مەن ارحەولوگ، ءا.مارعۇلان اتىنداعى ارحەلوگيا ينستيتۋتىنىڭ ديرەكتورى بايتانايەۆ باۋرجان، «ساق» كينوستۋدياسىنىڭ ديرەكتورى نۋريددين پاتتەيەۆ رەسپۋبليكالىق، حالىقارالىق اقىندار ايتىسىنىڭ بىرنەشە دۇركىن جەڭىمپازى، «100 جاڭا ەسىم» تىزىمىنە ەنگەن بەكارىس شويبەكوۆ، اقىن، «وتىرار» وبلىستىق عىلىمي-امبەباپ كىتاپحاناسىنىڭ عىلىمي قىزمەتكەرى جانتاسوۆا زليحا مەن ق ر مادەنيەت قايراتكەرى، وبلىستىق وپەرا جانە بالەت تەاترىنىڭ ءسوليستى ءۇرالحان سەيىلبەكوۆالار ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ وڭىردە جۇزەگە اسىرلۋى جايىندا ءوز ويلارىن ايتىپ، مادەنيەت سالاسىنىڭ دامۋى باعىتىندا ۇسىنىستارىن جەتكىزدى.
بۇگىن وبلىستاعى مادەنيەت سالاسىندا 5 مىڭعا جۋىق قىزمەتكەر ابىرويلى جۇمىس اتقارىپ كەلەدى. ال حالىققا 736 مادەنيەت جانە ونەر مەكەمەلەرى قىزمەت ەتۋدە. اتالعان ۇيىمداردىڭ قاتىسۋىمەن وتكەن جىلى 31 مىڭنان اسا ءىس-شارالار وتكىزىلدى. ءىس-شارالار نەگىزىنەن «ەكسپو-2017» حالىقارالىق مامانداندىرىلعان كورمەسى، «تۇركىستان - تۇركى الەمىنىڭ مادەني استاناسى» جىلى جانە ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا ۇيىمداستىرىلدى.
سونىمەن قاتار، «رۋحاني جاڭعىرۋ» باعدارلامالىق ماقالاسىنداعى «جاھاندىق زاماناۋي قازاقستاندىق مادەنيەت» باعىتى بويىنشا وبلىسىمىزدىڭ مادەنيەتى مەن ونەرىن شەتەلدەرگە تانىستىرۋ ماقساتىندا وسى جىلى ش.قالداياقوۆ اتىنداعى وبلىستىق فيلارمونيانىڭ انشىلەرى مەن «قازىنا» بي ءانسامبلى تۇركيا رەسپۋبليكاسىنداعى «كاستامونۋ – تۇركى الەمىنىڭ مادەني استاناسى» جىلىنىڭ اشىلۋ سالتاناتىنا جانە حالىقارالىق ناۋرىز مەرەكەسىنە قاتىسىپ، 6 مەملەكەتتە ونەر كورسەتتى. سونىمەن بىرگە، وبلىسىمىزدىڭ ونەرپازدارى فينليانديادا وتكەن «جۇمباق جىبەك جولى» حالىقارالىق فەستيۆالىنە قاتىستى. ال يتاليانىڭ پەزارو قالاسىندا وتكەن XV «چيتتا دي پەزورو» حالىقارالىق ۆوكاليستەر بايقاۋىندا جاس ونەرپازدارىمىز كارينا ناجمەددينوۆا جانە نۇرقانات تاپيۆتەر ءى ورىنعا يە بولىپ، يتاليادا 1 جىل تەگىن وقۋعا شاقىرتۋ الدى.
