شاردارا اۋدانىندا «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى» جۇمىسسىزدىقتى جويۋدا وڭ ناتيجە بەرۋدە. بۇل جايىندا Qamshy.kz اقپارات اگەنتتىگى وقو اكىمدىگىنىڭ باسپا ءسوز قىزمەتىنە سىلتەمە جاساپ حابارلايدى.

باعدارلامانى ىسكە اسىرۋ ماقساتىندا وتكەن جىلى 2952 ادام قاتىستىرىلدى. ونىڭ ىشىندە 984 جۇمىسسىز بولسا، 1234ء-ى ءوزىن-وزى جۇمىسپەن قامتىعاندار، ال 734 جۇمىس ىزدەۋشىلەر. جالپى باعدارلاماعا قاتىسۋشىلاردىڭ 32 پايىزى تابىسى از ازاماتتار.

ال 2018 جىلدىڭ 1 مامىرىنا اتالعان باعدارلاماعا 958 ادام قاتىستىرىلسا، جىل سوڭىنا دەيىن 2794 ادامدى قاتىستىرۋ جوسپارلانعان.

سونىمەن بىرگە اۋداندا «ورلەۋ» جوباسى دا ءساتتى ىسكە اسىرىلىپ كەلەدى. بىلتىرعى جىلى وسىناۋ جوبا اياسىندا 4275 ازاماتقا نەمەسە 687 وتباسىعا 217 ملن. تەڭگە كولەمىندە قارجى تولەندى. جىل باسىنان بەرى مەملەكەتتىك اتاۋلى الەۋمەتتىك كومەك تاعايىنداۋ بويىنشا 1450 وتباسىمەن اڭگىمەلەسۋ جۇرگىزىلىپ، ونىڭ ىشىندە 38 وتباسىعا 4 457،0 مىڭ تەڭگەگە شارتسىز اقشالاي كومەك، 226 وتباسىعا 43،3 ملن. تەڭگە شارتتى اقشالاي كومەك، بارلىعى 264 وتباسىعا 47،8 ملن. تەڭگە اتاۋلى الەۋمەتتىك كومەك تاعايىندالدى.