وڭتۇستىك قازاقستان وبلىسىندا 500-گە جۋىق سالىق تولەۋشى مەن سىرتقى ەكونوميكالىق قىزمەتكە قاتىسۋشىلارىمەن سالىق، كەدەن كودەكستەرىندەگى جاڭاشىلدىقتاردى ءتۇسىندىرۋ جانە سىبايلاس جەمقورلىققا قارسى ءىس-قيمىل ماسەلەلەرى بويىنشا كەڭەيتىلگەن فورۋم ءوتتى، دەپ حابارلايدى Qamshy.kz اقپارات اگەنتتىگى وقو اكىمدىگىنىڭ باسپا ءسوز قىزمەتىنە سىلتەمە جاساپ.

وقو بويىنشا مەملەكەتتىك كىرىستەر دەپارتامەنتىنىڭ باستاماسىمەن، ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وقو بويىنشا دەپارتامەنتىمەن بىرلەسە، وقو اكىمدىگى، «نۇر وتان» پارتياسى وقوف جانە «اتامەكەن» كاسىپكەرلەر پالاتاسىنىڭ وقو فيليالىنىڭ قولداۋىمەن ۇيىمداستىرىلعان شارادا سالىق، كەدەن كودەكستەرى ءتۇسىندىرىلىپ، سىبايلاس جەمقورلىققا قارسى ءىس-قيمىل ماسەلەلەرى تالقىلاندى.

وبلىستىق مەملەكەتتىك كىرىستەر دەپارتامەنتىنىڭ باسشىسى ا.ۇمبەتالييەۆتىڭ تورالىعىمەن وتكىزىلگەن فورۋمعا، وبلىس اكىمىنىڭ ورىنباسارى ە.سادىر، «نۇر وتان» پارتياسى وقوف ءتوراعاسىنىڭ ءبىرىنشى ورىنباسارى ن.جولداسوۆ، ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وقو بويىنشا دەپارتامەنتىنىڭ باسشىسى ءا.كومەكبايەۆ، وبلىستىق كاسىپكەرلەر پالاتاسى ديرەكتورىنىڭ ورىنباسارى ق.اكەنوۆ جانە وبلىستىق مەملەكەتتىك كىرىستەر دەپارتامەنتىنىڭ، مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وقو بويىنشا دەپارتامەنتىنىڭ ماماندارى، وبلىستىڭ 500-گە جۋىق كاسىپكەرلەرى مەن شەتەلدىك كومپانيا وكىلدىكتەرى قاتىستى.

ءىس-شارانىڭ ماقساتى – شاعىن جانە ورتا بيزنەسكە قولداۋ كورسەتە وتىرىپ، سالىق، كەدەن كودەكستەرىندەگى جاڭاشىلدىقتاردى بيزنەس وكىلدەرىنە جەتكىزۋ جانە بيزنەس ورتادا سىبايلاس جەمقورلىققا قارسى مىنەز-قۇلىق ۇلگىسىن قالىپتاستىرۋ، كاسىپكەرلەردىڭ سىبايلاس جەمقورلىققا ىقپال ەتەتىن سەبەپتەر مەن جاعدايلاردى جويۋعا بەلسەندى قاتىسۋىن قامتاماسىز ەتۋ.

جيىندا دەپارتامەنتتىڭ باسقارما ماماندارى جاڭا كودەكستەرگە تولىققاندى تۇسىندىرمە بەرە وتىرىپ، كەلەسى نەگىزگى وزگەرىستەرگە نازار اۋداردى: اتاپ ايتقاندا، «ارناۋلى سالىق رەجيمدەرى» قوسىمشا 678، 690 باپتارمەن تولىقتىرىلدى: ول، شاعىن سۋبەكتىلەرى ءۇشىن تىركەلگەن شەگەرىم پايدالاناتىن ارناۋلى سالىق رەجيمى. بۇل رەجيمدى جۇمىسكەرلەردىڭ ورتاشا تىزىمدىك سانى

50 ادامنان اسپايتىن جانە سالىقتىق كەزەڭدەگى كىرىسى ەڭ تومەنگى جالاقىنىڭ 12 260 ەسەلەنگەن مولشەرىنەن اسپايتىن دارا كاسىپكەرلەر مەن زاڭدى تۇلعالار قولدانا الادى.

سونىمەن قاتار، وڭايلاتىلعان دەكلاراسيا نەگىزىندە ارناۋلى سالىق رەجيمدەرىن قولدانۋ شارتى دا وزگەردى، ياعني 683 باپقا سايكەس، دارا كاسىپكەر مەن زاڭدى تۇلعاعا بولىنبەي، جالپى شارت قويىلدى. سونداي-اق، كەدەن كودەكسى بويىنشا دەكلاراسيالاۋ مەن باقىلاۋ ۋاقىتى 24 ساعاتتان 4 ساعاتقا دەيىن، جالپى باقىلاۋ جۇمىسى ون كۇنەن بەس كۇنگە دەيىن قىسقارتىلدى.

سونىمەن قاتار، ازاماتتارمەن تىعىز جۇمىس جۇرگىزىپ، كەرى بايلانىس ورناتۋ ماقساتىندا «قوعامدىق باقىلاۋ كارتاسى» ازىرلەندى. «قوعامدىق باقىلاۋ كارتاسى» تانىمال الەۋمەتتىك جەلىلەر (Facebook، VK، Instagram جانە WhatsApp، Telegram 8-775-869-21-21) مەن كولل-سەنتر (8 (7252) 51-51-51) ارقىلى جۇزەگە اسىرىلۋدا.

فورۋم بارىسىندا سالىق تولەۋشىلەر مەن سىرتقى ەكونوميكالىق قىزمەتكە قاتىسۋشىلاردىڭ تۋىنداعان سۇراقتارى تالقىلانىپ، ماماندارمەن تولىققاندى جاۋاپتار بەرىلدى.