سەيسەنبى، 22 مامىردا Facebook باسشىسى مارك سۋكەربەرگ بريۋسسەلدە ەۋروپارلامەنت دەپۋتاتتارىمەن كەزدەسىپ، ءسوز سويلەدى.
ازاتتىق بەرگەن مالىمەتكە سۇيەنسەك، كەزدەسۋ بارىسىندا Cambridge Analytica فيرماسى ارقىلى قولدانۋشىلاردىڭ جەكە دەرەكتەرىنىڭ جاريالانىپ كەتۋ ماسەلەسى ءسوز بولعان.
سۋكەربەرگ دەپۋتاتتاردىڭ Facebook-تىڭ الەۋمەتتىك جەلى نارىعىنداعى مونوپولياسى جايلى سۇراقتارىنا جاۋاپ بەردى.
سونىمەن قاتار، مالىمەتتەر بازاسىنىڭ بۇزىلعانىنا جانە ساياسي كامپانيا كەزىندە الەۋمەتتىك جەلىنىڭ «جالعان حابار» تاراتىپ، جەككورۋشىلىكتى تۋدىرۋدا پايدالانىلعانىنا سۋكەربەرگ كىنالى ەكەنىن مويىندادى. اقش-تا جۇرگىزىلىپ جاتقان تەرگەۋ مالىمەتىنشە، Facebook اقش-تاعى پرەزيدەنت سايلاۋى قارساڭىندا سايلاۋ كامپانياسىنا كيلىگۋ ءۇشىن رەسەيلىك "ينتەرنەت-تروللدەردى" پايدالانعان.
