قوعامدىق كولىكتە جالعان وڭاي! باقىلاۋشىلارى كوبەيىپ كەتۋىنە بايلانىستى قوعامدىق كولىك قىزمەتىن قولداناتىن الماتىلىقتارعا باقىلاۋ پروسەدۋراسى تۋرالى اقپارات جاريالاندى، دەپ حابارلايدى Qamshy.kz اقپارات اگەنتتىگى. 

جولاۋشىلار تاراپىنان جالعان باقىلاۋشىلاردىڭ «تەكسەرۋىنەن» كەيىن كارتا تەڭگەرىمىنەن قاراجاتتىڭ قابىلدانعانى تۋرالى شاعىمدار جيىلەپ كەتكەن.

الماتى قالاسى كولىك حولدينگىنىڭ (اكح) باقىلاۋشى-ريەۆيزيالىق قىزمەتىنىڭ قىزمەتكەرلەرى جول اقىسىنىڭ تولەمىن تەكسەرۋ ءۇشىن قولدانىپ جۇرگەن تەرمينالداردا تولەمدى قابىلداۋ فۋنكسياسى جوق ەكەنىن حابارلايدى. باقىلاۋشىدا جول اقىسىنىڭ تولەمى ەسەبىنەن قايتالاپ قاراجاتتى شەشىپ الۋعا تەحنيكالىق تۇردە ەش مۇمكىندىگى جوق.    

«جولاۋشىلار باقىلاۋشىلاردىڭ جول اقىسىنىڭ تولەمىن تەكسەرۋ ءۇشىن كارتانى جولاۋشىلاردان سۇراپ، ولاردى ءموبيلدى تەرمينال ارقىلى وتىكىزگەننەن كەيىن كارتادان قايتالاپ قاراجاتتى شەشىپ الاتىنى تۋرالى وڭاي! اكىمشىلىگىنە ءجيى شاعىم تۇسىرەدى. مۇنداي جاعدايدا جولاۋشى اكح-نە ءوتىنىش جازسا قايتالانىپ الىنعان سومما كارتانىڭ تەڭگەرىمىنە قايتارىلادى. مۇنداي جاعداي قايتالانباۋ ءۇشىن، كارتانى قوعامدىق كولىك كوندۋكتورلارىنا بەرمەۋگە كەڭەس بەرەمىز. سەبەبى ولار اكح-نىڭ دە، تاسىمالداۋشى-كومپانيانىڭ دا رەسمي قىزمەتكەرلەرى ەمەس. كارتانى تەك قىزمەتتىك فورما كيگەن، بەيدجى جانە جەكە كۋالىك پەن باقىلاۋشىنىڭ وكىلەتتىلىگى بار رەسمي جۇمىس ىستەيتىن باقىلاۋشىلارعا تەكسەرۋ ءۇشىن بەرۋ قاجەت. ەگەر ءسىز مارشرۋتتى جالعان باقىلاۋشىنى بايقاعان بولساڭىز تەز ارادا وڭاي! بايلانىس ورتالىعىنا حابار بەرۋىڭىزدى سۇرايمىز»، - دەيدى الماتى كولىك حولدينگىنىڭ ديرەكتورى سادير حامرايەۆ.