قازاقستاندا اۋىل اكىمدەرىن ەندى تۇرعىنداردىڭ وزدەرى سايلايتىن بولادى. بۇل تۋرالى ءماجىلىس وتىرىسىندا ادىلەت ءمينيسترى مارات بەكەتايەۆ «سايلاۋ» تۋرالى زاڭناماعا ەنگىزىلگەن وزگەرىستەردى تانىستىرۋ بارىسىندا مالىمدەدى.
«اۋىل باسشىلارى حالىقتىڭ داۋىس بەرۋى ارقىلى سايلاناتىن بولادى. ولار ءتورت جىل مەرزىمگە سايلانادى»، - دەدى بەكەتايەۆ.
بەكەتايەۆتىڭ ايتۋىنشا، اۋىل، كەنت، كەنت وكرۋگتەرىندە اكىمدەردى سايلاۋ شاراسىن وتكىزۋ جوسپارلانىپ وتىر. ۇمىتكەرلەردى اۋدان اكىمدەرى ۇسىنادى. زاڭناماعا سايكەس، ءوزىن ۇمىتكەرلىككە ۇسىنۋ قاراستىرىلماعان.
