الماتى ۋنيۆەرسيتەتىندە 31 مامىر ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنىنە وراي «ۇلت باسىنا تونگەن قاسىرەتتى جىلدار جانە رۋحاني جاڭعىرۋ» اتتى كەش ءوتتى. وتكەن تاريحقا قايتا ءۇڭىلۋ كەشىندە ستۋدەنتتەر الاش كوسەمى ءاليحان بوكەيحانوۆ پەن الاش قايراتكەرلەرى ا. بايتۇرسىنوۆ، م. دۋلاتوۆ، م. جۇمابايەۆ جانە قازاق سوۆەت ادەبيەتىنىڭ نەگىزىن سالۋشىلاردىڭ ءبىرى، اقىن س. سەيفۋلليننىڭ ءومىرى جايلى شاعىن كورىنىس قويدى. حح عاسىر باسىندا ۇلت تاعدىرى ءۇشىن تەر توككەن ازاماتتاردىڭ شىعارمالارىنان ءۇزىندى وقىدى.

قۋعىن-سۇرگىن جانە اشارشىلىق قۇرباندارىن ەسكە الۋ كەشىنە اۋەزوۆ اۋداندىق «نۇر وتان» پارتياسى فيليالى وكىلى سادىقبايەۆا داريا ءابدىقۇل قىزى قاتىسىپ، ءسوز سويلەدى.

– وسىنداي تاربيەلىك ءمانى بار ءىس-شارانى ۇيىمداستىرۋداعى نەگىزگى ماقسات-تاربيەلەپ وتىرعان بولاشاق ۇرپاققا الاش زيالىلارىنىڭ ارمان-مۇراتتارىنىڭ رۋحاني جاڭعىرۋمەن ساباقتاستىعىن زەردەلەۋگە ۇيىتقى بولۋ. ستۋدەنتتەردىڭ بويىنا وتان سۇيگىشتىك، پاتريوتتىق سەزىم، ەرلىك، باتىلدىق، شىندىق، توزىمدىلىك، قاسيەتتەرىن دارىتۋ. سونىمەن بىرگە، ساياسي قۋعىن – سۇرگىن قۇرباندارى جونىندە ستۋدەنتتەرگە دۇرىس تۇسىنىك بەرۋ، ولاردىڭ ساياسي ساناسىن وياتۋ، ستۋدەنتتەردىڭ ادامگەرشىلىك كوزقاراستارىن قالىپتاستىرۋ بولىپ تابىلادى، - دەدى داريا ءابدىقۇل قىزى.

وسىنداي ماڭىزعا يە ايتۋلى داتانى ەسكە الىپ، كەرەمەت شارا ۇيىمداستىرۋعا ۇيىتقى بولعان ۋنيۆەرسيتەت رەكتورى ح.ع.د.، پروفەسسور ەرماعانبەتوۆ مۋباراك ەرماعانبەتۇلىنا العىسىن ءبىلدىردى. ولەڭ وقىعان، كورىنىسكە قاتىسقان قازاق ءتىلى مەن ادەبيەتى جانە تاريح ماماندىعىنىڭ ستۋدەنتتەرىنە ەرەكشە ءىلتيپات كورسەتتى.

كەلەسى ءسوز كەزەگى «جاراتىلىستانۋ جانە گۋمانيتارلىق ماماندىقتار» كافەدراسىنىڭ دوسەنتى، ت.ع.ك. زارىقبەك سلامبەكوۆكە بەرىلدى. عالىم الاش قايراتكەرلەرىنىڭ ءومىر جولى مەن ۇلت ەرتەڭى ءۇشىن جاساعان ماڭىزدى قادامدارى جايلى بايانداما جاساپ، حح عاسىر باسىنداعى قازاق دالاسىنداعى ساياسي-الەۋمەتتىك ماسەلەلەرگە توقتالىپ ءوتتى. كەش سوڭىندا وقىتۋشى-پروفەسسور قۇرامى مەن ستۋدەنتتەر اۋەزوۆ اۋداندىق «نۇر وتان» پارتياسى فيليالى وكىلى سادىقبايەۆا داريا ابدىقۇلقىزىمەن ەستەلىك سۋرەتكە ءتۇستى.