ق ر اقپارات جانە كوممۋنيكاسيالار ءمينيسترى داۋرەن ابايەۆتىڭ قاتىسۋىمەن XV ەۋرازيالىق مەديافورۋم باستالدى.
فورۋمنىڭ اشىلۋىندا داۋرەن ابايەۆ مەملەكەت باسشىسى نۇرسۇلتان نازاربايەۆتىڭ قۇتتىقتاۋ حاتىن وقىپ بەردى.
«بۇگىنگى فورۋم مەديا سالاسىنداعى بىلىكتى مايتالمانداردىڭ ءوزارا ديالوگ جۇرگىزۋىنە مۇمكىندىك بەرەتىن ماڭىزدى شارا. الەم قۇبىلىپ، گەوساياسي قايشىلىقتار مەن جاڭا تەحنولوگيالىق مۇمكىندىكتەر شيەلەنىسكەن قازىرگى جاعدايدا بۇقارالىق اقپارات قۇرالدارى قاقتىعىستار ەسكالاسياسىنىڭ دەتوناتورى، سونداي-اق حالىقارالىق شيەلەنىستەردى تەجەۋ مەن الدىن الۋدىڭ جاھاندىق فاكتورى بولا الادى. وسى جەردە جۋرناليستەردىڭ جاۋاپكەرشىلىگى شىعادى. كلاسسيكالىق جۋرناليستيكاعا باستى سىن-قاتەر رەتىندە بالاما اقپارات كوزدەرى - بلوگەرلەر مەن الەۋمەتتىك جەلىنى ايتۋعا بولادى. بۇل رەتتە، ءداستۇرلى باق-تىڭ باسەكەگە قابىلەتتىلىگى ءاردايىم ءجۋرناليستىڭ كاسىبيلىگى مەن ساپالى كونتەنت بولىپ كەلەدى. وسى ماقساتتا وسىنداي ديالوگ الاڭدارىن قۇرۋدىڭ وزەكتىلىگى ارتا تۇسەدى»، - دەلىنگەن پرەزيدەنتتىڭ قۇتتىقتاۋىندا.
ايتا كەتۋ كەرەك، بۇگىن الماتىدا ەۋرازيالىق مەديا فورۋم باستالدى.
فورۋم العاش رەت وتكىزىلگەن ۋاقىتتان باستاپ 15 جىلدا قازاقستانعا 6 مىڭنان استام شەتەلدىك دەلەگات كەلگەن.
كونفەرەنسيانىڭ اۋقىمى مەن حالىقارالىق دەڭگەيى ەلىمىزدىڭ عالامدىق اقپارات كەڭىستىگىنىڭ اجىراماس بولىگى ەكەنىن بىلدىرەدى.
