قازاق كۇرەسىنەن ءداستۇرلى «الماتى بارىسى» ءتۋرنيرىنىڭ چەمپيونى تۇركسىب اۋدانىنىڭ بالۋانى داۋرەن نۇرالينوۆ اتاندى، دەپ xابارلايدى اقپاراتتىق جانە سپورتتىق حاب.

بايراقتى باسەكەنىڭ اقتىق مارەسىندە ول مەدەۋ اۋدانىنان كەلگەن بىلتىرعى چەمپيون 132 كەلىلىك رۋسلان ابدرازاقوۆتى جەڭدى. جەڭىمپازدىڭ ءوزى 122 كەلى سالماقتا باستەسكەنىمەن، قارسىلاسىن تىزە بۇكتىرە الدى.

«مەن ءتۋرنيردى ۇتقانىم ءۇشىن قۋانىشتىمىن. جارىسقا جاقسى دايىندالدىم، فينالدا قارسىلاسىم دا مىقتى بولدى. رۋسلاندى جاقسى بىلەمىن، ول اتاقتى ءارى ۇزدىك سپورتشىلاردىڭ ءبىرى. ەندى، الدا «قازاقستان بارىسى»، جەڭىسكە جەتەمىن دەگەن ۇمىتتەمىن»، - دەدى داۋرەن نۇرالينوۆ.

ال ءۇشىنشى ورىندى تۇركسىب اۋدانىنىڭ بالۋانى جايدار سايلاۋبايەۆ پەن ەلدار ناسييەۆ (الاتاۋ اۋدانى) ساراپقا سالدى. بۇل جەكپە-جەكتە جەڭىسكە جايدار سايلاۋبايەۆ جەتتى. ول قولا بەلبەۋى مەن 100 مىڭ تەڭگەنى قانجىعاسىنا بايلادى.

تۋرنير چەمپيونىنا لادا پريورا كولىگىنىڭ كىلتى مەن التىن بەلبەۋ، ەكىنشى ورىن يەگەرىنە 300 مىڭ تەڭگە كولەمىندەگى اقشالاي سىيلىق پەن كۇمىس بەلبەۋى تابىستالدى. ەندى ولار «كازاقستان بارىسى-2018» تۋرنيرىندە الماتىنىڭ نامىسىن قورعايتىن بولادى.

ەسكە سالا كەتسەك، بوز كىلەم باسەكەسى بالۋان شولاق اتىنداعى سپورت سارايىندا ءوتتى. قالامىزدىڭ ەڭ اۋقىمدى سپورت شارالارىنىڭ بىرىنە اينالعان جارىسقا اۋداندىق جارىستاردان ىرىكتەلگەن ۇزدىك پالۋاندار ءوزارا مىقتىنى انىقتادى. كۇرەس الاڭىندا الماتىنىڭ 8 اۋدانىنان كەلگەن 24 بالۋان ءوزارا ب ا ق سىناستى. 

ايتۋلى دودانىڭ سالناتتى اشىلۋ راسىمىندە الماتى قالاسى دەنە شىنىقتىرۋ جانە سپورت باسقارماسىنىڭ باسشىسى ءابىل دوڭبايەۆ قاتىسۋشىلارعا ساتتىلىك پەن جارقىن جەڭىس تىلەدى.

«بۇگىندە، قازاق كۇرەسى ەلىمىزدەگى سپورت تۇرلەرىنىڭ حالقىمىزعا كەڭىنەن تانىمال، ەل ءسۇيسىنىپ تاماشالايتىن، ناعىز تەكتى كۇرەس ءتۇرى. ال «الماتى بارىسى» ءتۋرنيرى - قالا تۇرعىندارى مەن قوناقتارىنا، جالپى سپورت سۇيەر قاۋىمعا تارتۋ ەتىلگەن ەرەكشە سىي، ءداستۇرلى سپورتتىق مەرەكە»، - دەپ اتاپ ءوتتى ءابىل دوڭبايەۆ.