تانىمال كورىپكەل، 8، 9-حالىقارالىق ۋكراينالىق "ەكستراسەنستەر بايگەسىنىڭ" جۇلدەگەرى ۆيكتور الەكساندروۆسكيي قازاقستاندىقتارعا باقىتتى بولۋدىڭ قۇپياسىن ايتتى دەپ حابارلايدى Qamshy.kz اقپارات اگەنتتىگى Zakon.kz-كە سىلتەمە بەرىپ.

"باقىتتى بولۋ ءۇشىن تەك سۇيگەن ادامعا ۇيلەنىپ، تۇرمىسقا شىعۋ كەرەك. ءوزىڭ جاقسى كورەتىن ادامنان بالالى بولىپ، ول بالاعا جەكە تۇلعا رەتىندە قاراۋ قاجەت. وزگەلەردىڭ پىكىرىنە بوي الدىرماي، ءوزىڭنىڭ جەكە قالاۋلارىڭ مەن قۇقىقتارىڭدى ءبىلدىرتۋ كەرەك. وزىڭە سەنىپ، ءوز قاتەلىكتەرىڭنەن قورىتىندى شىعارۋ، سۇيىكتى ىسىڭمەن اينالىسىپ، اينالاداعىلاردىڭ ەشقايسىسى ساعان ەشتەڭە بەرۋگە مىندەتتى ەمەس ەكەنىن، بارىنە ءوزىڭنىڭ ەڭبەگىڭمەن جەتۋ كەرەك ەكەنىن ءتۇسىنۋ قاجەت"،-دەيدى ول.

"قازاقستاندا بارلىق وتباسىلىق ماسەلەلەردى ۇلكەن كىسىلەر، اپالار شەشەدى. الايدا 90-جىلدارى سوۆەتتىك كەزەڭدە ءومىر سۇرگەن ادام نە بىلەدى؟ ءقازىر زامان وزگەردى"،-دەيدى كورىپكەل.

ەكستراسەنستىڭ ايتۋىنشا، سيقىر دەگەن وزدىگىنەن تۋىندايتىن نارسە ەمەس، سيقىردى ادام جاسايدى. 

ەكستراسەنس سوڭعى ۋاقىتتارى تۇرمىسقا شىققىسى كەلەتىندەرىن ايتىپ  جولىعاتىن قىزداردىڭ سانى جيىلەپ كەتكەنىن ايتادى. تۇرمىسقا شىعا الماي جۇرگەندەرىڭ كوبى وزدەرىنە قارعىس ءتيدى، كوز ءتيدى دەپ ويلايدى. بىرەۋدە اقشا تولەپ، اۋرۋدان ايىعىپ، تۇرمىسقا شىعىپ كەتپەيسىڭ. ءوزىڭ قالاعان كەزدە عانا، سانامەن ويلانىپ ارەكەت ەتكەندە عانا ءبارى بولادى دەيدى ول.