الماتىدا وسىمەن 5ء-شى رەت ءداستۇرلى تۇردە قۇلتەمىر قۇراستىرۋدان اشىق چەمپيونات ءوتتى. حالىق ارەنادا وتكەن جارىسقا ەلىمىزدىڭ تۇكپىر-تۇكپىرىنەن  باس-اياعى 315 كوماندا جينالدى. ايتپاقشى، بيىل دودادا العاش رەت باس جۇلدەگە الماتى قالاسى اكىمىنىڭ كۋبوگى تىگىلدى. ونى كوماندالىق ەسەپتە كوبىرەك ۇپاي جيناعان كوماندا يەمدەندى. 

بۇل كۇن ساۋلەسىنەن ەنەرگيا الىپ، سودان شاڭىراعى قۋاتتالاتىن، ال ەسىگى ايدي كارتا ارقىلى اشىلاتىن سمارت كيىز ءۇي. ينتەراكتيۆتى كەشەننىڭ ەرەكشەلىگى سول، كيىز ءۇي ورتاسىنان بىرنەشە بولمەگە ءبولىنىپ، جىلجىمالى پلاتفورما ارقىلى قوزعالادى. ياعني، پۋلت ارقىلى ونى باسقارىپ، ءوزىڭىز قالاعان بولمەگە كىرۋگە مۇمكىندىك بار. 3ء-شى سىنىپ وقۋشىلارى جوباعا 2 ايعا جۋىق ۋاقىت جۇمساپتى. ويلاعاندارى جۇزەگە اسسا، وندا كيىز ۇيگە دەگەن قىزىعۋشىلىق ارتىپ، اتا ءداستۇر ەشقاشان ۇمىتىلمايتىن ەدى، دەيدى ونەرتاپقىشتار.

«ەكى داچيكپەن جۇمىس جاسايدى. دوموفوننىڭ كىلتى ارقىلى ەسىگى اشىلادى مەحانيزمى. ەكىنشى مىنا كارتوچكا ارقىلى ىشىندە ەكى بولمە بار. سول بولمەدە كۋحنيامىز زالعا اينالادى. سيفرلىق تەحنولوگيانى قولدانۋ ارقىلى ءبىز بولمەنىڭ جاڭاعى بولمەنى ۇلكەيتۋ تۋرالى. بولمەنىڭ ۇلكەندەۋى تۋرالى»، - دەدى  جوبا جەتەكشىسى گۇلشات قاسىم.

اشىق چەمپيوناتقا بىلتىر 220 توپ قاتىسسا، بيىل بۇل سان ەسەلەنە تۇسكەن. جارىستا 73 كوماندا ينجەنەرلىك جوبا اكەلسە، ەلۋى باعدارلاما ويلاپ تاۋىپتى. ال 147 كوماندا جاساعان قۇلتەمىرلەرىن كورسەتىپ، كوپتى تاڭ قالدىردى. ءبىر قىزىعى، يننوۆاسيالىق دوداعا قاتىسۋشىنىڭ ەڭ كىشىسى 7-دە بولسا، ەن ۇلكەنى نەبارى 21 جاستا. يننوۆاسيالىق جوبالارعا قىزىعۋشىلىق تانىتىپ، عىلىمدى دامىتۋعا ۇلەس قوسىپ جۇرگەن جاستارعا قالا اكىمىنىڭ ورىنباسارى الماس مادييەۆ ءتانتى بولدى.

چەمپيوناتقا مەكتەپ، ۇيىرمە، كوللەدج جانە ۋنيۆەرسيتەت ستۋدەنتتەرى قاتىستى. ەكى كۇنگە سوزىلعان اشىق چەمپيوناتتىڭ جۇلدە قورى - 2 ميلليون تەڭگە. وعان قوسا، قوس ۋنيۆەرسيتەتتە ەكى رەكتور وقۋ گرانتى ۇتىسقا تىگىلدى. سونداي-اق جوبانىڭ دەمەۋشىلەرىنىڭ باعالى سىيلىقتارى دا دايىنداپ قويعان. جوبالاردى باعالايتىن 100 قازى ءار ءتۇرلى سالانىڭ ماماندارى. ولار اقىلدى تەحنيكانىڭ بولاشاقتا ىسكە جاراۋى سەكىلدى بىرنەشە كريتەرييگە ءمان بەرىپتى.

«ءبىزدىڭ چەمپيوناتتان شىققان بىرنەشە جوبالار بيزنەستە ەنگىزىلىپ، ناتيجە بەرىپ جاتىر. تىڭ جۇمىستاردى وقۋشىلار ۇسىنعان. جىل سايىن وسىنداي پايدالى جوبالار جۇزەگە اسىپ كەلەتىنى قۋانتادى. جۇمىستار كۇردەلەنىپ، شىنىندا دا ادام ءومىرىن جەڭىلتەتىنى باستاعانى بايقالادى. مىسالى، العاشقى جىلدارى لەگودان جاسالعان، وڭاي دۇنيەلەردى، جەر سۋعاراتىن قۇرىلعىلاردى اكەلسە، ءقازىر اقىلدى ءۇي، اقىلدى جىلىجاي جوبالارى بار»، - دەدى الماتى قالاسى ءبىلىم بەرۋ سالاسىنداعى جاڭا تەحنولوگيالار ورتالىعىنىڭ ديرەكتورى اندرەي دۋپيك.

سونىمەن 2 كۇنگە سوزىلعان اشىق چەمپيوناتتا الماتى اكىمىنىڭ كۋبوگىنا نازاربايەۆ زياتكەرلىك مەكتەبىنىڭ وقۋشىلارى يە بولدى. ۇتىسقا تىگىلگەن قوس گرانتتى قالانىڭ ەكى مەكتەبى ءوزارا ءبولىسىپ الدى.