باسپا ءسوز، راديو جانە ينتەرنەت-جۋرناليستيكا سالاسىنداعى «ۇركەر» ۇلتتىق سىيلىعىنا بيىل وزەرىس ەنگىزىلدى. ءداستۇرلى 12 نوميناسياعا تاعى ءبىر ەكسپەريمەنتالدى نوميناسيا ەنگىزىلدى. 10 مامىردان باستاپ، بارلىق ادامدار «ۇركەر» ۇلتتىق سىيلىق بايقاۋىنىڭ سايتىندا قوسىمشا نوميناسياعا داۋىس بەردى. وقىرمان تاڭداۋىنا 4 باعىت ۇسىنىلدى: 1) ۇزدىك بلوگەر؛ 2) ۇزدىك ۆاين؛ 3) ۇزدىك پابليك؛ 4) جىل حايپى. داۋىس بەرۋ ناتيجەسى بويىنشا 574 داۋىس جيناعان «ۇزدىك ۆاين» ەكسپەريمەنتالدى نوميناسيا اتاندى.
«ۇزدىك بلوگەر» (347 داۋىس)
«ۇزدىك پابليك» (201 داۋىس)
«ۇزدىك ۆاين» (574 داۋىس)
«جىل حايپى» (541 داۋىس)
سونداي-اق ەلوردامىزدىڭ مەرەيتويىنا وراي استانانىڭ 20 جىلدىعىنا ارنالعان ۇزدىك ماتەريال ارنايى نوميناسياسى قوسىلدى. بۇل نوميناسيانىڭ وزگەلەردەن ەرەكشەلىگى، مۇندا 2008 جىلى جارىق كورگەن تاڭداۋلى ماتەريالدار ىرىكتەلەدى.
«ۇركەر» ۇلتتىق سىيلىعىنا el.kz. سايتىندا تومەندەگى نوميناسيالار بويىنشا قاتىسۋعا ءوتىنىم بەرە الاتىنىڭىزدى ەسكە سالامىز:
- ۇزدىك فوتوسۋرەت؛
- ۇزدىك رەپورتاج؛
- ۇزدىك ساراپتامالىق ماتەريال؛
- ۇزدىك جۋرناليستىك زەرتتەۋ؛
- ۇزدىك سۇحبات؛
- قازاقستان تۋرالى ۇزدىك تانىمدىق ماتەريال؛
- ۇزدىك حالىقارالىق تالدامالى ماتەريال؛
- وڭىرلىك ۇزدىك راديوستانسيا؛
- ۇزدىك وڭىرلىك مەرزىمدى باسىلىم؛
- قازاقستاننىڭ ۇزدىك راديوستانسياسى؛
- ۇزدىك ينتەرنەت-باق؛
- ۇزدىك رەسپۋبليكالىق مەرزىمدى باسىلىم.
- ۇزدىك ۆاين (ەكسپەريمەنتالدى نوميناسيا)
بايقاۋدىڭ لاۋرەاتى اتانعان جۋرناليستەرگە ەستەلىك ءمۇسىن مەن قارجىلاي جۇلدەلەر تابىستالادى. ءاربىر جەڭىمپاز 1 000 000 تەڭگە كولەمىندە اقشالاي سىيلىق پەن ءداستۇرلى ەستەلىك مۇسىنگە يە بولادى.
باسپا ءسوز، راديو جانە ينتەرنەت-جۋرناليستيكا سالاسىنداعى «ۇركەر» ۇلتتىق سىيلىعى بىلتىر العاش رەت ق ر اقپارات جانە كوممۋنيكاسيالار مينيسترلىگىنىڭ باستاماسىمەن وتكەن بولاتىن. ۇلتتىق سىيلىقتى ۇيىمداستىرۋشى «Qazcontent» اق.
بايقاۋعا شىعارماشىلىق جۇمىستارى 2017 جىلى جاريالانعان باسپا ءسوز، ينتەرنەت-باق جانە راديوستانسيالار رەداكسيالارى مەن جۋرناليستەرى قاتىسا الادى.
